ގައުމެއްގެ ވެރިކަމަކީ ގަދަބާރުން ދަމަހައްޓަން ޖެހޭ އެއްޗެއް ނޫން ކަމަށް ޕިއެންއެފްގެ ސެކެރެޓަރި ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މީޑިޔާ ރެގިއުލޭޓުކުރުމުގެ ނަމުގައި މީޑީޔާތަކުގެ ކޮންްޓްރޯލު އޭރެއްގައި އޮންނަ ސަރުކާރަކަށް ނެގޭ ގޮތަށް ފަރުމާކޮށްފައި ބިލެއް ސަރުކާރު ހިންގާ ޕީއެންސީ އަޑީގައި ތިބެ މަޖިލީހަށް ހުށަހަޅައިގެން ދައުރުން ބޭރުން ޖަލްސާތަކެއް ބާއްވާ އަވަސް ގޮތެއްގައި ބިލު ފާސްކުރުމަށް މަސައްކަތްކުރަމުންދާއިރު ގިނަ ނޫސްވެރިން ގެންދަނީ އެ ބިލުގައި ހުރި ކަންބޮޑުވުންތަކާ މެދު މަޗްވަރާކުރުމަށް ގޮވާލާ ބިލު ބޭރުކުރުމަށްވެސް ގޮވާލަމުންނެވެ.
މިކަމަށް އިޝާރާތްކުރައްވާ މަލީހު ވިދާޅުވީ، މި ގައުމަށް އޮތް ހައްލަކީ ރައީސް މުހައްމަދު މުއިއްޒު އިސްތިއުފާ ދެއްވާ ގެއަށް ވަޑައިގެންނެވުން ކަމަށާ ގަދަބާރުން ވެރިކަން ކުރުމަކީ ޑިމޮކްރެސީ ދަންނަ ކަމެއް ނޫން ކަމަށެވެ.
މީގެ އިތުރުން ނޫސްވެރިން ލިޔާ ލިޔުން ސަރުކާރުގެ ވެރިންނަށާ ބޮޓުންނަށް ހަޖަމްނުވާ ނަމަ އެއީ ވެރިމީހާގެ މައްސަލައެއް ކަމަށްވެސް މަލީހު ވަނީ ވިދާޅުވެފައެވެ.
