theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
ރާއްޖޭގެ ކުރީގެ ނައިބު ރައީސް، ޑރ މުހައްމަދު ޖަމީލު އަހުމަދު / ޕީޕީއެމް
ސިޔާސީ
ފަލާހާ ދެކޮޅަށް ބަސްބުނި މީހަކު ވަޒީފާއިން ކަނޑާލުމުން ކަން އެތުރިފައި އޮތް ގޮތް ފެނޭ: ޖަމީލް
Aiminath Zawjah
އައިމިނަތް ޒަޢުޖާ
29 އޯގަސްޓު 2025
މާލެ ސިޓީ

މީޑިއާ ކޮންޓްރޯލް ބިލު މިނިވަން މެންބަރެއް ހުށަހެޅުއްވިޔަސް، ބިލުގެ ދިފާޢުގައި ނުކުންނެވީ ހުސް ޕީއެންސީ މެންބަރުން ކަމަށް ޕީއެންއެފްގެ އިސް ސަފުގައި މަސައްކަތް ކުރައްވަމުން ގެންދަވާ ކުރީގެ ނައިބު ރައީސް ޑރ މުހައްމަދު ޖަމީލް އަހަމްދު ވިދާޅުވެއްޖެއެވެ.

ޑރ ޖަމީލް މިފަދައިން ވިދާޅުވީ މިހާރު އެންމެ ބޮޑަށް ދެކެވެމުންދާ މީޑިއާތައް ރެގިއުލޭޓް ކުރުމުގެ ބޭނުމުގައި މަޖިލީހަށް ހުށަހަޅާފައިވާ ބިލާއި ގުޅޭ ގޮތުން ޕީއެންއެފްގެ ޓައުން ހޯލް ޖަލްސާގައި ވާހަކަފުޅު ދައްކަވަމުންނެވެ.

މި ބިލަށް ބަހުޘް ކުރައްވަމުން ޕީއެންސީގެ ޕާލިމަންޓްރީ ގްރޫޕްގެ ލީޑަރު އިބްރާހީމް ފަލާޙް ނޫސްވެރިން "އުލުބައިންދަން" އާންމު ބަހުން ނަމަ މަރަން ގޮވާލުމާއި ގުޅިގެން އެކަމާއި ޚިޔާލުފާޅު ކުރުމުން ވަޒީފާއިން ބޭފުޅަކު ވަކިކުރުމުން މިކަން އެތުރިގެން ދިޔަ ގޮތް ވަރަށް ރަނގަޅަށް ރައްޔިތުންނަށް ހާމަވެގެން ގޮސްފައިވާ ކަމަށް ޖަމީލް ފާހަގަކުރެއްވިއެވެ.

ދިވެހިރާއްޖެ ނޫސްވެރިކަމުގައި މިހާރު މިއޮތީ ވަރަށް ޒުވާން ޖީލެއް. އެކުދިންނަށް ލާއިންސާނީ އަނިޔާދޭ ވާހަކަ ގޮވާލީމާވެސް ރައީސް އޮފީހުން، ރައީސް މުއިއްޒުވެސް މިކަމެއް ކުށްވެރިއެއް ނުކުރައްވާ

- ޖަމީލް ވިދާޅުވިއެވެ.

މީގެ އިތުރުން، ސަރުކާރު ހިންގާ ޕާޓީގެ އިސްވެރިއެއް މިފަދަ އަނިޔާވެރިކަމަށް ފާޅުކަން ބޮޑު ގޮތެއްގައި ގޮވާލާފައިވާއިރުވެސް ރައީސް މުއިއްޒުވެސް އަދި ރައީސް އޮފީހުގެ މީޑިއާ ކަންތައްތަކާއި ހަވާލުވެގެން ހުރި ޚަލީލުވެސް މިކަން ކުށްވެރި ނުކުރުން އެއީ ނޫސްވެރިންގެ އަގު މި ސަރުކާރުން ވަޒަން ނުކުރާ ކަމެއް ކަމަށާއި އަދި އެފަދަ ލާއިންސާނީ އަނިޔާވެރިކަމަށް މުއިއްޒުވެސް ތާއީދު ކުރާ ކަން ހާމަވާ ކަމެއް ކަމަށް ޖަމީލްގެ ވާހަކަފުޅުގައި ސިފަކުރެއްވިއެވެ.

ކޮންމެ ކަހަލަ ވަޒީފާއެއްގައި ހުރި މީހަކަށް ވިޔަސް އަދި އެއީ ސިޔާސީ ގޮތުން ވިޔަސް ގާނޫނު އަސާސީގެ 17 ވަނަ މާއްދާއާއި 20 ވަނަ މާއްދާގައި ބަޔާންވެފައިވާ ގޮތުން ހައްގުތައް ލިބިދިނުމުގައި އެއްވެސް ތަފާތުކުރުމެއް ނުގެންގުޅުމަށް ބުނެފައިވާ ކަމަށް ޖަމީލް ވިދާޅުވިއެވެ. އަދި ވަޒީފާ ބަޔާނުގެ ހަތަރު ވަނަ މާއްދާގައި އެއްވެސް މީހެއްގެ ވަޒީފާ އެމީހެއް ފާޅު ކުރާ ޚިޔާލެއްގެ ސަބަބުން އެމީހެއްގެ އަތުން ނިގުޅައިގަނެގެން ނުވާނެކަމަށް ބުނެފައިވާ ކަމަށްވެސް ޖަމީލް ފާހަގަކުރެއްވިއެވެ.

އެހެންކަމުން، ފަލާހާއި ދެކޮޅަށް ޚިޔާލު ފާޅުކޮށްގެން މިއަދު ވަޒީފާއިން ވަކި ކުރީ ގާނޫނު އަސާސީއާއި ޚިލާފަށްކަމަށް ޖަމީލް ވަނީ ވިދާޅުވެފައެވެ. އެހެންކަމުން މިފަދަ ބިލެއް ފާސްކޮށްގެން ގައުމުގެ ފުލް ކޮންޓްރޯލް މުއިއްޒު ނަގާ ރައްޔިތުން އިތުރަށް ނިކަމެތިވެގެންދާނެ ކަމަށް ޖަމީލް ވަނީ ގޮވާލާފައެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved