ވެރިކަން ލިބުމަކުން ރައްޔިތުންގެ މުދާ ދިރުވާލާ ޤައުމުގެ ހަޒާނާ ބޭނުން ހާގޮތަކަށް ލޫޓުވާލުމުގެ ލައިސެންސް އެމީހަކަށް ލިބުނީ ކަމުގައި ދެކިގެން ނުވާނެ
ގަވަރުނަރު އަލީ ހާޝިމް މަގާމުން ވަކިކުރީ، ބާރަށު ޝުޖާއު 42.5 މިލިއަން ރުފިޔާ ލޫޓުވާލި ގޮތުގެ ތަފްސީލު އެކުލެވޭ ރިޕޯޓު އެމްއެމްއޭގެ ފައިނޭންޝަލް އިންޓެލިޖެންސް ޔުނިޓްއިން ޕޮލިހަށް ހުށަހެޅުމުން ކަމަށް ބުނެ ލިޔެފައިވާ ޚަބަރެއް ހިއްސާކުރައްވާ ޑރ ޖަމީލު ވަނީ އެކްސްގައި ޕޯސްޓެއް ކުރައްވާފައެވެ.
ޑރ ޖަމީލް އިތުރަށް ވިދާޅުވީ މިފަދަ ބޮޑެތި ކޮރަޕްޝަން މުއާމަލާތްތައް ކޮށްފައިވާ އިރު ޒާތީގޮތުން އަދި މިފަދަ މީހުން ހޯދާނެ ނުޙައްގު ތަނަވަސްކަމާ މުއްސަނދިކަން ރައްޔިތުންނަށް މިހާރު އަންދާޒާކޮށްލެވޭނެ ކަމަށެވެ.
ޑރ ޖަމީލް ވަނީ މުއިއްޒު އަށާއި، ސަރުކާރަށާއި ރައްޔިތުންގެ މަޖިލީހުގެ ޕީއެންސީ މެމްބަރުންނަށް ފާޑު ވިދާޅުވެފައެވެ.
ރައީސް އަބްދުﷲ ޔާމީނާއި ދެކޮޅަށް މަސައްކަތް ކުރި މި ސިއްރު ފެކްޝަން އެމީހުން ބޭނުންވާ ގޮތަށް މުއިއްޒު އަމަލުނުކޮށްފިނަމަ މުއިއްޒުގެ ބާރު ކަނޑުވާލަން ޕްލޭން ކުރާން ކަމާއި މެދު އެއްވެސް ޝައްކެތް ނެތެވެ.
މި ސަރުކާރުން ގާނޫނު މާނަ ކުރަނީ މުޅިން ތަފާތުކޮށް ކަމަށް ފާހަގަކުރައްވާ ޖަމީލް ވިދާޅުވީ މުއިއްޒުގެ ގާތް ބޭފުޅުންނަށް ކޮރަޕްޝަނާއި ވައްކަން ކުރުން ހުއްދަ ކަމަށާއި ފިޔަވަޅު އަޅަން ޖެހެނީ އެފަދަ ވާހަކަތައް އާންމުކުރާ މީހުން ކަމަށެވެ.
ގައުމުގެ ރައީސް އާއި ރައްޔިތުންގެ މަޖިލީހާއި އަދި ޖުޑިޝަރީވެސް ބާރު ހޯދަނީ ރައްޔިތުންގެ އަތުން ކަމަށްވާއިރު ރައްޔިތުން ކަނޑައަޅާފައިވާ އިން ފަހަނަޅާ ދާން ޖާގައެއް ނުލިބޭނެ ކަމަށާއި އެ ފުރުސަތު ރައްޔިތުން ނުދޭނެ ކަމަށް ޖަމީލްގެ ޕޯސްޓްގައި ފާހަގަކޮށްފައިވެއެވެ.
ޗެނަލް13 ގެ ނިއުސް ޓޯކު ޕްރޮގްރާމުގައި ވާހަކަފުޅު ދައްކަވަމުން ޑރ ޖަމީލު ވިދާޅުވީ، ނާޒިމްއަކީ މަޖިލީހުގެ ނައިބު ރައީސް ނަމަވެސް ބޭނުންހާ ވާހަކައެއް ބޭނުންހާ ގޮތަށް ބޭނުންހާ ތާކު ނުދެއްކޭނެ ކަމަށެވެ.