ޒަކިއްޔާގެ މަރާ ގުޅިގެން މާދަމާ ހަވީރު 4:15ގައި އެރަށު ބޯޅަދަނޑުގައި ވަނީ އެއްވުމެއް ބާއްވަން ނިންމާފައެވެ.

ބޮޑެތި ޒަޚަމްތަކަކާއެކު މަރުވެފައި އޮއްވައި ފެނުނު 50 އަހަރުގެ ޒަކިއްޔާ މޫސާގެ މަރުގެ ތަހުގީގުގައި ފުލުހުން, އެމެރިކާގެ ފެޑެރަލް ބިއުރޯ އޮފް އިންވެސްޓިގޭޝަން (އެފްބީއައި) ބައިވެރިކޮށްފި ކަމަށް ބުނާ ވާހަކަތަކުގައި އެ ރަށު ރައްޔިތުންގެ ބަސް ތަފާތެވެ. އެ ރަށު ރައްޔިތުން ހާމަކުރާ ގޮތުގައި އެއީ މަތި އަޅަން ވާހަކަ އޮއްބާލަން ދައްކާ "ބައިސާ" ވާހަކަތަކެވެ.

ތޭރަ އޮންލައިނާ ވާހަކަ ދެއްކި ޒުވާނަކު ހާމަކުރި ގޮތުގައި މި މައްސަލައިގައި ފުލުހުންނާ ފުލުހުންގެ ވެރިންވެސް އަމަލުކުރަމުންދާ ގޮތަށް ބަލާއިރު ފެންނަނީ ޒަކިއްޔާގެ މަރުގައި އިންސާފަށް ވާސިލުވިޔަ ނުދިނުމަށް އެތައް މަސައްކަތެއް ކުރަމުންދާ މަންޒަރު ކަމަށެވެ.

ޒަކިއްޔާ މަރުވެފައި އޮއްވައި ފެނުނީ މިދިޔަ އަހަރުގެ ސެޕްޓެމްބަރު މަހުގެ 10 ވަނަ ދުވަހުގެ ހެނދުނު 10:00 ހާއިރު އޭނާ ދިރިއުޅޭ ގޭގެ ބަދިގެ ފަރާތުގައި ހުންނަ ގުދަނެއް ކައިރިންނެވެ.

ހޮޅުދޫ ރައްޔިތުން ގެންދަނީ ފުލުހުންނާ ވަޒީރުވެސް ޒަކިއްޔާގެ މަރުގެ މައްސަލައަށް ނުފޫޒު ފޯރުވާކަމުގެ ތުހުމަތުކުރަމުންނެވެ.

ޒަކިއްޔާގެ އާއިލާގެ ފަރާތުން އޭނާގެ ކޮއްކޮ އައިމިނަތު ޝަޒިއްޔާ ސޮއިކޮށް ނެރުނު ބަޔާނެއްގައި ވަނީ އާއިލާގެ މެމްބަރުން ހިމެނޭ ގޮތުން މަރުގެ މައްސަލާގައި އިންސާފު ހޯދުމުގެ މަސައްކަތް ކުރަމުންދާ ކަމަށެވެ.

ޒަކިއްޔާގެ މަރަށް އެއް އަހަރު ފުރިގެން ދިޔައިރުވެސް އިންސާފު ލިބިފައިނުވާއިރު އެކަމުގައި ކްރައިމް ސީނާ މެދު ފުލުހުން އަމަލު ކުރި ގޮތާ އަދި ގާތިލު ކަމަށް ގިނަ ބަޔަކު ތުހުމަތުކުރާ ޒަކިއްޔާގެ ފިރިމީހާއާ ފުލުހުންގެ އިސްވެރިންތަކަކަށް އޮތް ގާތްގުޅުމުން މައްސަލައަށް ނުފުޒު ފޯރުވާ ހެއްކަށް ނުފޫޒު ފޯރުވުމުގެ އިހުތިމާލް އޮތްއިރު ޖެންޑަރ މިނިސްޓްރީއިން އެކަމުގައި އެއްވެސް ވަރަކަށް މަސައްކަތްނުކުރާތީ ހޮޅުދޫގެ ރައްޔިތުން ވަނީ މިނިސްޓަރު އައިޝަތު ޝިހާމު ކޮބައިތޯއާ އަދި އެކަމަނާގެ ދައުރު، އެކަމަނާގެ ޒިންމާ އެކަމަނާ އަދާނުކުރައްވާކަމުގެ ތުހުމަތު އަމާޒުކޮށްފައެވެ.

ޒަކިއްޔާ ބޮޑެތި ޒަޚަމްތަކަކާ އެކު މަރުވެފައި އޮއްވާ ފެނުނުތާ އަހަރެއް ވެގެން ދިޔައިރުވެސް ތަހުގީގު ވާނުވާ ބާއްވާ އިންސާފަށް ހަމައަށް ވާސިލުވެފައިނުވާތީ އިންސާފަށް އެދި ގޮވާލާ ހޮޅުދޫ ރައްޔިތުން ވަނީ ހުކުރު ދުވަހު އެ ރަށުގައި އެއްވުމެއް ބާއްވާފައެވެ.

ހޮޅުދޫގައި އުމުރުން 50 އަހަރުގެ އަންހެނަކު ޒަކަމްތަކަކާ އެކު ގެއެއްގެ ތެރޭގައި އޮތްކަމުގެ ރިޕޯޓު ހެނދުނު 10:10 އެހާކަންއިރު ލިބުމުން ފުލުހުން ގޮސް އެ އަންހެން މީހާ އެ ރަށު ސިއްހީ މަރުކަޒަށް ގެންގޮސްފައިވާ ކަމަށާ އެމީހާ ނިޔާވެފައިވާ ކަމަށް ފުލުހުން މީޑިޔާތަކަށް ފޮނުވި މެސެޖެްގައި ހާމަކޮށްފައިވެއެވެ.

ނ. ހޮޅުދޫ، މާރަނގަ ޒަކިއްޔާ މޫސާ ބޮޑެތި ޒަޚަމްތަކަކާ އެކު އަނިޔާވެރި މަރަކުން މަރާލާފައިވާ މައްސަަލައަށް އެހަރެއް ވެގެން ދިޔައިރުވެސް އެ މަރުގެ ހާދިސާއަށް އިންސާފެއް ނުލިބި މައްސަލަ ވާނުވާގައި ބާއްވާފައި އޮންނަ އޮތުމާ ދެކޮޅަށް އަޑު އުފުލުމަށް ބާއްވާ އެއްވުމާ ގުޅިގެން ޗެނަލް13 އަށް މައުލޫމާތު ހިއްސާ ކުރަމުން އެ ރަށުގައި އެކަމުގައި އިސްކޮށް އުޅުއްވާ ރައްޔިތުން ވަނީ ސަރުކާރުން އަމަލު ކުރަމުންދާ ގޮތާ މެދު ނުރުހުން ފާޅުކޮށްފައެވެ.