މިފަދަ ނިންމުމެއް ނިންމާފައިވަނީ، ގިނަ ނޫސްވެެރިންތަކަކާ ބްރޮޑްކާސްޓަރުންވެސް ހިމެނޭހެން، މޯލްޑިވްސް ޖާނަލިސްޓު އެސޯސިއޭޝަނާ އެކު ބޭއްވި މަޝްވަރާ ބައްދަލުވުމަކަށް ފަހުއެވެ.
އެކްސްގައި ކުރެއްވި ޕޯސްޓެއްގައި އައްބާސް ވިދާޅުވީ މީޑިޔާ ރެގިއުލޭޓުކުރުމުގެ ނަމުގައި ބިލެއް ހުށަހަޅައިގެން އުޅެނީ ރައްޔިތުންގެ ޓެކުސް ފައިސާއިން ދައުލަތުގެ ވެރިން ވައްކަން ކުރަތީ އެ ވާހަކަ ދއްކާތީ ކަމަށާ ނަމަވެސް އެ ވާހަކަ ދައްކާނެ ކަމަށެވެ.
ރައީސް މުއިއްޒު އެ ބިލު ތަސްދީގު ކުރެއްވީ މީގެ ކުޑައިރުކޮޅެއް ކުރިންނެވެ.
ޕީއެންއެފް އިން ބޭއްވި ޖަލްސާގައި ބުރާސްފަތި ދުވަހުގެރޭ ވާހަކަފުޅު ދައްކަވަމުން ރައީސް ޔާމީން ވިދާޅުވީ، މީޑީޔާގެ މިނިވަންކަން ނެތިކޮށްލާ ބިލުގެ މުޅި މަގްސަދުގެ ގޮތުގައި ނުވަތަ ރެޝްނާލްގެ ގޮތުގައި އޮތީ އަބުރު ކަތިލުން ހުއްޓުވުން ކަމަށް ވާއިރު، މީހުންގެ އަބުރު ރައްކާތެރި ކުރުމުގެ މައްސަލަ ޕީއެންއެފްގައި ނެތް ކަމަށެވެ.
ބިލު ކޮމިޓީއިން ފާސްވީ މެމްބަރުންގެ އިއްތިފާގުންނެވެ. އެ ކޮމިޓީގެ މެޖޯރިޓީއަކީ އަޑީގައި އޮވެ މި ބިލު މަޖިލީހަށް ބަލައިގަތް ޕީއެންސީގެ މެމްބަރުންނެވެ. ބިލު ފާސްކުރީ ކޮމިޓީ ބާއްވާ ކޮޓަރީގައި 20 މިނެޓަށް ވުރެ ގިނަ އިރު ހޭދަކުރުމަށް ފަހު ކޮމިޓީން ނުފަށައިގެން އެ ކޮމިޓީގައި އިންނަވާ އެމްޑީޕީގެ ހަމައެކަނި މެމްބަރު މީކާއިލް އަހުމަދު ނަސީމު ތިރިއަށް ފޭބި ވަގުތުއެވެ.
މައުލޫމާތު ލިބިފައިވާ ގޮތުގައި މީޑިޔާ ބިލާ ގުޅިގެން ރައްޔިތުންގެ ހިތުގައި ސަރުކާރާ މެދު އިތުރަށް ނުތަނަވަސްކަން އުފެދި ސަރުކާރުގެ ތާއީދު އަނެއްކާވެސް އިތުރަށް ދަށަށް ދާތީ އެކަމުގައި ލިބެމުންދާ "ޑެމޭޖު" ކޮންޓްރޯލުކުރުމަށް ހުރިހާ ސިޔާސީ މުވައްޒަފުން ސޯޝަލް މީޑިޔާގައި އެކްޓިވްވެ ބިލާ އެއްކޮޅަށް ޓްވީޓުކުރަން ވަނީ އަންގާފައެވެ.
ސީޕީޖޭއިން މިފަދައިން ގޮވާލާފައިވަނީ އެ ޖަމްއިއްޔާގެ ރަސްމީ އެކްސް އެކައުންޓުން ކުރި ޕޯސްޓެއްގައެވެ.
ރައީސް ޔާމީން ވިދާޅުވީ މީޑިޔާ ރެގިއުލޭޓުކުރުމުގެ ނަމުގައި ބިލެއް ހުށަހަޅައިގެން ސަރުކާރުން އުޅެނީ ނޫސްތަކުންނާ މީޑިޔާތަކުން ވެރިންގެ ކޮރަޕްޝަންގެ ވާހަކަ އަޑު ހަރުކޮށް ދައްކަމުން ގެންދާތީ އެ އަޑު ކަނޑުވާލަން ކަމަށެވެ.
މީޑިޔާތަކާ ޖެހި ގަނެ ސަރުޚާރާ މެމްބަރުންވެސް ތުނޑު ހަސަނާ ޖެހުނު މީދާހެން ޖެހިގަނެގެން އުޅެނީ ކީއްވެ ކަމާ މެދު މިއަދު ގިނަ ބަޔަކު ސުވާލު އުފައްދައެވެ. އެއީ ސަރުޚާރު ބަރަހަނާވެ އޮރިޔާން ކަޝްފުވަމުންދާތީއެވެ.
އދ. ގެ ހައި ކޮމިޝަނާ ފޯ ހިއުމަން ރައިޓްސް، ވޮލްކާ ޓާކްއާ ހަވާލާދީ، އެ އޮފީހުން ނެރުނު ބަޔާނުގައި ވަނީ މިހާރު އަމަލުކުރަމުން އަންނަ ގާނޫނަކީ ހިޔާލު ފާޅުކުރުމާއި މީޑިއާގެ މިނިވަންކަމަށް އޮތް ނުރައްކަލެއްގެ ގޮތުގައި ސިފަކޮށްފައެވެ.