"އޮޅުހިޔާ" ބޭނުން ކޮށްގެން ގާނޫނެއް ހެދިޔަސް ހިޔާލުފާޅުކުރުމުގައި ދެނެއް ތަޅެއް ނޭޅުވޭނެ އެވެ. އެއީ އަދި ދައުލަތުގެ ތިޖޫރީއާއި ބަޑި ގުދަނުގެ ތަޅު ދަނޑި ލިބިގެން ވެސް ނުވާނެ ކަންކަމެވެ.

ނޫސްވެރިކަމުގެ މިނިވަންކަން އަތުލާފައި އޮތް އެއްވެސް މާއްދާއެއް ނޯންނާނެ ކަމަށްވެސް ރައީސް މުއިއްޒު ވިދާޅުވެފައިވާ ކަން ފާހަގަކުރައްވާ ރައީސް ޔާމީން ވިދާޅުވި، ދުނިޔޭގެ އެއްވެސް ގައުމެއްގައި ނޫސްވެރިން ލިޔާ ޚަބަރުތައް ސާބިތުކޮށްދޭން ހެކި ހުށަހަޅަން ނުޖެހޭ ކަމަށާ، އެގޮތުން ދައުލަތުގެ ވެރިން ކުރާ ވައްކަންތަކުގެ ރަސީދު ފަދަ ތަކެތި ހޯދާނެ ގޮތެއް ނޯންނާނެ ކަން ވެސް ރައީސް ޔާމީން ފާހަގަކުރެއްވިއެވެ.

"ނެކްސް ނޭޝަން ޓު ފޯލް" ގެ ގޮތުގައި ބައިނަލްއަގްވާމީ މީޑިއާތަކުގައި ދިވެހިރާއްޖެ އަންނަނީ ސިފަކުރަމުންނެވެ.

ޑރ ޖަމީލު ވިދާޅުވީ، މިނިވަން ޚިޔާލާ ފިކުރުގައި ތަޅު އަޅުވާ ނޫސްވެރިކަން ވަޅުލަން ފާސްކުރި ބިލު ގާނޫނަށް ހަދައިގެން އުޅެނީ ރައީސް ޑރ މުހައްމަދު އާ ސަރުކާރުގެ އެކި އެކި ވެރިންނާ ގުޅިގެން ކުރިއަށް ގެންދާ ވައްކަމާ ކޮރަޕްޝަންގެ ވާހަކަ ޗެނަލް 13 އާ ރައީސް ޔާމީންވެސް ޕީއެންއެފްގެ ޖަލްސާތަކުގައި އާންމު ރައްޔިތުންނާ ހަމައަށް ތިލަކޮށްދީ އޭގެ ޕްރެޝަރ ސަރުކާރަށް ފޯރަން ފެށުމުން އެކަންކަން ހުއްޓުވުމަށް ކަމަށެވެ.

އީޔޫއިން މިފަދައިން ގޮވާލާފައިވަނީ، މިދިޔަ ހަފްތާގެ ބުރާސްފަތި ދުވަހު ރައީސް މުހައްމަދު މުއިއްޒު ރާއްޖޭގެ އެކި ޖަމްއިއްޔާތަކަށާ އަދި ބައިނަލްއަގްވާމީ އެކި ޖަމްއިއްޔާތަކަށްވެސް ގޮން ޖައްސަވާ މީޑިޔާ ރެގިއުލޭޓުކުރުމުގެ ނަމުގައި ގާނޫނެއް ފާސްކުރުމުން ނެރުނު ބަޔާނެއްގައެވެ.

މަލީހު މިފަދައިން ވިދާޅުވީ، މީޑިޔާ ރެގިއުލޭޓު ކުރުމުގެ ނަމުގައި ޚިޔާލާ ފިކުރުގެ ތަޅު އަޅުވަން ބިލެއް ގާނޫނަކަށް ހަދާ ރައީސް މުއިއްޒު ތަސްދިގު ކުރެއްވުމާ ގުޅިގެން އެކްސްގައި ކުރެއްވި ޕޯސްޓެއްގައެވެ.

ގާނޫނު ހަދާ މަޖިލީހުން ގާނޫނުތައް އެކުލަވާލުމުގައި ފުޅާ ދާއިރާއެއްގައި ރައްޔިތުންގެ ޚިޔާލާއި މަޝްވަރާ ހޯދަން ޖެހޭނެ ކަމަށާ އަދި ކަމާ ބެހޭ ފަންނީ ބޭފުޅުންނާއި ޚަބީރުންގެ ލަފަޔާއި އެންމެހާ ސްޓޭކްހޯލްޑަރުންގެ ޚިޔާލާއި މަޝްވަރާ ހޯދަން ޖެހޭނެކަމަށް ތަޖުރިބާކާރު ވަކީލެއް ކަމަށްވެސްވާ މުއިއްޒު ވިދާޅުވިއެވެ.