އައްބާސް ވިދާޅުވެފައިވަނީ، އެމްއެމްޕީއާރްސީއިން ވައްކަން ކުރި ބޮޑެތި ވަގުންތައް ތިބީ ރައީސް ޑރ.މުހައްމަދު މުއިއްޒުގެ ސަރުކާރުގެ ތެރޭގައި ކަމަށާ ފެނަކަ ވައްކަން ކުރި ވަގުންތައް ވެސް ތިބީ ހަމަ މި ސަރުކާރު ތެރޭގައި ކަމަށެވެ. ހަމައެހެންމެ ވެންޓިލޭޓަރު ވައްކަން ކުރި ވަގުންތައް ވެސް ތިބީ ހަމަ މިސަރުކާރުގެ ނިވަލުގައި ކަން އައްބާސް ފާހަގަކުރައްވާފައިވެއެވެ.

މިކަންކަމުން ހާމަވެގެންދަނީ ސަރުކާރުން ނުވަތަ ރައީސް މުއިއްޒު މުއައްސަސާތަކުގެ ވެރިންނަށް އިތުބާރު ނުކުރައްވާ ކަން ކަމަށާއި ސިޔާސީ މަގާމުތަކުގައި ތިއްބެވި ބޭފުޅުންނަށް ޝައްކު ކުރައްވާ ކަން ކަމުގައި އައްބާސް ފާހަގަކުރެއްވިއެވެ.

އައްބާސް މިފަދައިން ގޮވާލެއްވީ ރައްޔިތުންގެ މަޖިލީހަށް ހުށަހަޅާފައިވާ އާބަން ޑިވެލޮޕްމަންޓުގެ ބިލަށް ބަހުސް ކުރައްވަމުންނެވެ.

އައްބާސް ވިދާޅުވެފައިވަނީ، ރައީސް ޑރ. މުއިއްޒު އެކި ފަހަރު މަތިން ވައުދުވެ ވަޑައިގަތް ގޮތަށް 4000 ފްލެޓްގެ ހައްޤުވެރިންނަށް ފްލެޓް ހަވާލު ކުރުމަށް ގޮވާލައްވާ ކަމަށެވެ.

ގައުމުގައި ހިނގަމުންދާ ކޮރަޕްޝަންގެ މައްސަލަތަކާއި، ސަރުކާރުން ހިންގާ ތަފާތު އެކި މަޝްރޫއުތަކުގެ މަސައްކަތްތައް ކުރިއަށްދާގޮތުގެ ބައެއް ފޮޓޯތައް ހިއްސާ ކުރައްވާ އައްބާސް ވިދާޅުވެފައިވަނީ، އެއްވެސް ހަމައެއް، ލަމައެއް، އުސޫލެއް ނެތި މިހިރަ ހުރިހާ ކަމެއްވެސް މިއަދު ހިނގަމުން މިދަނީ ދައުލަތުގެ ތިންބާރު ޕެރަލައިޒްވެފައި އޮތުމުގެ ސަބަބުން ކަމަށެވެ.

ރައީސް މުއިއްޒުގެ ސިޔާސީ މުވައްޒަފުންގެ އަދަދު ގިނަކުރަމުންދާ ދިއުމަށް އިޝާރާތްކުރައްވާ އައްބާސް ވިދާޅުވެފައިވަނީ، ކޮންމެ މިނިސްޓްރީއަކަށް މިނިސްޓަރުގެ އިތުރުން މިނިސްޓަރު ފެންވަރުގެ އެޑްވައިޒަރެއް އައްޔަންކޮށް ކޮންމެ މިނިސްޓްރީއަކަށް 10 ސްޓޭޓް މިނިސްޓަރުންނާ 15 ޑެޕިއުޓީ މިނިސްޓަރުންނާ 10 އެސްޕީޑީންނާ 15 ޕީޑީ ލައިގެން ސަރުކާރު ހިންގުމަކީ ރައީސް ޑރ.މުއިއްޒު ޤައުމަށް ޤައްދާރުވުން ނޫނީ ނުވާނެ ކަމަށެވެ

ބުރާސްފަތި ދުވަހު އެކްސްގައި ކުރެއްވި ޕޯސްޓެއްގައި އައްބާސް ވަނީ ފިހާރައެއްގައި ހުރި ބައެއް މޭވާތަކުގެ އަގު ދައްކުވައިދޭ ވީޑިއޯއެއް ހިއްސާކުރައްވާފައެވެ. ވީޑިއޯގައި ފެންނަ ގޮތުގައި، ސިއްހަތަށް ފައިދާ ހުރި މޭވާތަކުގެ ތެރެއިން އެންމެ އާއްމުކޮށް އެންމެ ހެޔޮ އަގެއްގައި ލިބޭ އާފަލެއްގެ އަގު ހުރީ ނުވަ ރުފިޔާއަށް ވުރެން މަތީގައެވެ. އޮރެންޖެއް އަގު 3 ރުފިޔާގައެވެ.

އައްބާސް ކޮށްފައިވާ އެކްސް ޕޯސްޓެއްގައި ބުނެފައިވާ ގޮތުގައި ރައްޔިތުން މިއަދު ތަހައްމަލް ކުރަންޖެހިފައިވާ ހުރިހާ ދަތި އުދަގޫ ތަކެއް ކުރިމަތިވެފައި މިވަނީ ރައްޔިތުން މަޖިލީސްގެ ޕީއެންސީ މެންބަރުންގެ ޒިންމާދާރުކަން ކުޑަ ނުބައި ނުލަފާ ކަމުން ދިމާވެފައިވާ މައްސަލަތަކެއްގެ ސަބަބުން ކަމަށެވެ.