ރާއްޖޭގެ ހަތް ސަރަހައްދެއްގައި އެއާޕޯޓް އެޅުމަށް 86 މިލިއަން ޑޮލަރު އެކައުންޓަކަށް ޖަމާކޮށްފައި ހުންނާނެ ކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެއެވެ.

އއ. ބޮޑުފޮޅަދޫ ރައްޔިތުންނާ އެކު ބޭއްވި ބައްދަލުވުމުގައި ސޯލިހު ވިދާޅުވީ އެމްޑީޕީގެ ސަރުކާރުން ރާއްޖޭގެ ހަތް އެއާޕޯޓު އެޅުމަށްޓަކައި 86 މިލިއަން ޑޮލަރު އެއްކޮށްފައި ހުންނާނެ ކަމަށެވެ.

މީގެ އިތުރުން، ލ. ކައްދޫ ތަރައްގީ ކުރުމަށް ވެސް އެމްޑީޕީގެ ސަރުކާރުން 10 މިލިއަން ޑޮލަރު ބަހައްޓާފައި ހުންނާނެ ކަމަށާއި އެ ތަންތަން ތަރައްގީ ނުކޮށް އެ ފައިސާއަށް ކުހެދި ގޮތެއް މި ސަރުކާރުން ސާފުކޮށްދޭން ޖެހޭ ކަމަށްވެސް ސޯލިހު ވިދާޅުވެފައިވެއެވެ.

ރައީސް މުއިއްޒު ސަރުކާރު ވެރިކަމަށް ވަޑައިގެން ކުރީ ސަރުކާރުގެ ބޮލުގައި ހުރިހާ ކަމެއް އަޅުވަމުންދާއިރު އެ ކަމަށްވެސް ސޯލިހް ވިދާޅުވެ ވިދާޅުވީ ގައުމު ބަނގުރޫޓްވާން މުއިއްޒު ދޫކޮށްލާފައިވާ ކަމަށެވެ.

ސޯލިހު މިފަދައިން ވިދާޅުވެފައިވެފައިވާއިރު އެމަނިކުފާނުގެ ވެރިކަމުގައި އިންޑިއާއިން ބޮޑެތި އަދަދުތަކުން ލޯނު ނަގައިގެން އިންތިހާއަސް ގައުމު ދަރުވާލާފައެވެ. އަދި އެ ލޯނުތައް ނުދެއްކި މި ސަރުކާރަށް ތުރާ ޖެހިފައިވާކަމަށް މި ސަރުކާރުގެ ވެރިން ބުނެފައިވެއެވެ.