ރާއްޖޭގެ ގިނަ ރަށްތަކަކީ ޖެހިޖެހިގެން ކައިރި ކައިރީގައި އޮންނަ ރަށްތަކެކެވެ. އެއް ރަށުން އަނެއް ރަށަށް 20 މިނެޓުން ކަނޑު ދަތުރު ކޮށްފައި ދެވޭހާވެސް ކައިރިއެވެ. މިވާހަކަތައް ހުރީ މިހެންނެވެ.

އަދުގެ ރައީސް ޑރ.މުހައްމަދު މުއިއްޒަކީ ވައުދު ގޯނި އޮއްސާލަން ފުރުސަތު ނުލިބިފައި ހުންނަ ފަރާތެއްކަމާމެދު ޝައްކު ކުރާނީ މަދު ފަރާތެކެވެ. ވައުދުތައް ވަމުންދާއިރުވެސް ހައިރާނެއް ނުވެއެވެ. މިހުރިހާ ވާހަކައަކަށްވުރެ ބޮޑަށް އަޅުގަނޑު ހައިރާންވީ މަޖިލިސް އިންތިޚާބާ ދިމާކޮށް ރައީސް މުއިއްޒު ހުވަދޫ އަތޮޅު ދެކުނުބުރި، ނުވަތަ ގދ އަތޮޅަށް ވަޑައިގެން އެ އަތޮޅުގެ ތިނަދޫގައި ވާހަކަދައްކަވަމުން ރައީސް މުއިއްޒު ވައްޓާލީ އިގްތިޞާދީ ބޮޑު ބޮމެކެވެ. ތިނަދޫފަޅު ހިއްކައިގެން ބައިނަލްއަގްވާމީ އެއާޕޯޓެއް އަޅުއްވަން ނިންމެވި ވާހަކައެވެ.

އަޅުގަނޑުދެން މިވާހަކަ ދެއްކީމާ ގަބޫލު ނުކުރިޔަސް މިއީ ހަގީގަތެވެ. ތިނަދޫއާއި ހަތަރު ވަރަކަށް ކިލޯމީޓަރ ކައިރީގައި މިހާރުވެސް އެއާޕޯޓެއް އެބައޮތެވެ. ކާޑެއްދޫ އެއާޕޯޓް ހުވަދޫ އަތޮޅަކަށް އަލެއް ނުވާނެއެވެ. ކާޑެއްްދޫ އެއާޕޯޓަށް ސްޕީޑް ލޯންޗްގައި ފަސް ވަރަކަށް މިނަޓް ތެރޭގައި ދަތުރުކުރެވޭނެއެވެ.

ނިމިދިޔަ ރިޔާސީ އިންތިޚާބްގައި ކެމްޕެއިން ކުރައްވަމުން ރައީސް މުއިއްޒު ވިދާޅުވީ ކާޑޭއްދޫ އެއާޕޯޓަކީ އިންޓަނޭޝަނަލް އެއާޕޯޓެކޭ.. އެއާޕޯޓާ ތިނަދޫ އާއި ގުޅާލެވޭނެ ކޯސްވޭއެއް ނުވަތަ ބްރިޖެއްް ގާއިމްކޮށްދެއްވާނެކަމަށެވެ. މިކަން މިހެން އޮއްވާ، ހުރިހާ ކަމެއްގައި ރައީސްގެ ރާގު ބަދަލުވި ފަދައިން މިކަމުގައި ވެސް ރާގު ބަދަލިވީއެވެ.

ދައްކަން މިއުޅޭ ވާހަކަ ވަރަށް ސާފެވެ. ރައީސް ބޭނުންފުޅުވެލައްވަނީ ކޮންމެ ދެ ރަށެއް ދޭތެރޭގައި އެއާޕޯޓެއް އަޅާށެވެ. ކޮންމެ ރަށަކަަށްވެސް ވަޑައިގެން މި ދައްކަވަނީ އެއްް ވާހަކައެކެވެ. މިރަށަަށް އެއާޕޯޓެއް، އާމްދަނީ ހޯދުމަށް މި ރަށަށް ފަޅެއް.. ރައީސްގެ ވާހަކަތަކުގައި ބުރަދަނެއް ނުހުރެއެވެ. ޚަރަދު ކުޑަކުރުމަށް ކަންކަން ކުރައްވާނެކަމަށް ވިދާޅުވީ ޚުދު ރައީސް މުއިއްޒެވެ. ރާއްޖޭގޭ ހުރިހާ ރަށެއްގައި ބްރިޖެއް. ހުރިހާ ރަށަކަށް ފަޅެއް. ރައީސް މުއިއްޒެވެ. މިހުރިހާ މަޝްރޫޢު އެއް ހިންގަވަން ފައިސާ ހަމަޖައްސަވަނީ ކިހިނަކުންތޯ؟ ފައިސާ އަޅާ ގަހެއް ހުރީތޯ؟