އެމަނިކުފާނުގެ މައްޗަށް ރ. ފުއްގިރި މައްސަަލައިގައި ޝަރީއަތް ނިންމަންވާނީ އަދުލުވެރި ތަހުގީގެއް ލިބިފައިވޭތޯ ރިއާޔަތްކުރެއްވުމަށް ފަހު ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ، ބުރާސްފަތި ދުވަހު ކުރިމިނަލް ކޯޓުގައި ފުއްގިރި މައްސަލައިގައި ބޭއްވި އަޑު އެހުމުގައި ވާހަކަފުޅު ދައްކަވަމުންނެވެ.

އެ އަޑުއެހުމުގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ފުލުހުންގެ ތަހުގީގުގައި ސުވާލު އުފެދޭ ކަންކަން އެބަހުރި ކަމަށެވެ. އަދި އެ މަނިކުފާނަށް ދައުވާ ކޮށްފައިވަނީ ކުރީގެ ނައިބު ރައީސް އަހުމަދު އަދީބާއެކު އިއުތިރާފްގެ އެއްބަސްވުމެއް ހަދައިގެން، އޭނާއަށް ލުއިތަކެއް ދީގެން ކަމަށްވެފައުި މިހާރު އެ އެއްބަސްވުންވެސް އުވާލާފައިވުމާ އެކު އެ ކޮލަބްރޭޓު ކުރާ އެއްޗެއް އޮތްތޯ ނެތްތޯ ބަލާ އިންސާފުވެރި ނިންމެވުމެއް ނިންމަވާ ދެއްވުމަށް ރައީސް ޔާމީން ވަނީ އެދިވަޑައިގެންފައެވެ.

ބުރާސްފަތި ދުވަހުގެ އަޑު އެހުމުގައި ރައީސް ޔާމީންގެ ފަރާތްޕުޅުން ވަނީ އޭސީޕީ މުހައްމަދު ރިޔާޒު ޝަރީއަތަށް ހާޒިރުކުރުމަށާ ދައުލަތުން ހެކި ހާމަކޮށްދިނުމަށް އެދިފައެވެ.