ރައީސުލްޖުމްހޫރިއްޔ ޑރ މުހައްމަދު މުއިއްޒާ، ކުރީގެ ރައީސް އިބްރާހިމު މުހައްމަދު ސޯލިހުއާ އަދި މިހާރުގެ މާލެ ސިޓީގެ މޭޔަރ އާދަމް އާޒިމްއަކީ ގުޅި ލާމެހިފައިވާ ތިން ބޭފުޅުންގެ ގޮތުގައި ރައީސް އަބްދުﷲ ޔާމީން ސިފަކުރައްވައިފިއެވެ.
ޕީއެންއެފްގެ ޓައުން ހޯލް ޖަލްސާގައި އާދިއްތަ ދުވަހުގެރޭ ވާހަކަފުޅު ދައްކަވަމުން ރައީސް ޔާމީން ވިދާޅުވީ، ކުރީ ސަރުކާރުން ނޫމަޑި މައްސަލައިގެ ހުކުމް ތަންފީޒުނުކުރި ހިސާބުން ގޮސް މިއަދު ކުރީގެ ސަރުކާރުގެ ވައްކަމާ ކޮރަޕްޝަންގެ މައްސަލަ ނުބަލާ ހިސާބަށް ނަޒަރު ހިންގާލުމުން ވެސް މިއީ ގުޅިގެން ކުރިއަސް ދާ ބައެއްކަން އެނގޭނެ ކަމަށެވެ.
މާލެ ސިޓީ ކައުންސިލްގެ އޮޑިޓެއްވެސް މިހާރުގެ މޭޔަރަށްވެސް ހަދަން ނުކެރޭކަން ފާހަގަކުރައްވާ ރައީސް ޔާމީން ވިދާޅުވި، ބައެއް މައްސަލަތަކުން ރެކެން މީހުން ކަންކުރާ ގޮތުން ވެސް އެ މީހުންގެ މައްޗަށް ރައްޔިތުންގެ ދަރުބާރުގައި ކުށް ސާބިތުވާ ކަމަށެވެ. އެ ގޮތުން، ސިޓީ ކައުންސިލްގައި ހުރި މައްސަލަތަކަށް ޖަވާބުދެއްވުމުގެ ބަދަލުގައި، ކައުންސިލްގައި ތިއްބެވި ޕީއެންސީ މެންބަރުން ކޯރަމް ހަމަނުކުރާތީ އެމަނިކުފާނު ނުރުހުން ފާޅުކުރެއްވިއެވެ.
ރައީސް ޔާމީްނ ވިދާޅުވީ، މިއީ ގުޅިގެން ކޮރަޕްޝަން ހިންގާ ބައެއް ކަމަށެވެ.
