އެމްޕީއެލް ބަނދަރާ ދިމާލުގައި އޮތް ކޮޅުވެއްޓިއެއް ބަންޑުންޖަހާލައިގެން ހިނގި ހާދިސާގައި ބަނގްލަދޭޝްގެ ރައްޔިތެއް ކަމަށްވާ މަސްއޫދު ނިޔާވެއްޖެއެވެ.
ފުލުހުން ހާމަކޮށްފައިވާގޮތުގައި އޭނަ ވަނީ ބަންޑުންޖަހާލި ލޭންޑިންކްރާފްޓު ތެރޭގައި ތާށިވެފައިއެވެ.
ލޭންޑިން ކްރާފްޓުގައި މީހެއް ތާށިވެފައިވާ ހަބަރު ލިބުމުން އެމްއެންޑީއެފްގެ ކޯސްޓްގާޑުގެ ޑައިވަރުން ޑައިވްކޮށްގެންއިން އޭނާ ނަގާފައިއެވެ. އޭނާ ނަގާފައި ވަނީ ރަސްފަންނާ ދިމާލުން ބޭރުންނެވެ.
މި ހާދީސާގައި ވަނީ 6 މީހަކު ހޮސްޕިޓަލަށް ގެންގޮސް ފަރުވާދެމުންނެވެ. މީގެ ތެރޭގައި 2 ބިދޭސީންނާއި 4 ދިވެހިން ހިމެނެއެވެ.
މައުލޫމާތު ލިބިފައިވާ ގޮތުގައި، މާލޭގެ އެމްޕީއެލް ބަނދަރު ސަރަހައްދާ ކައިރިން ލޭންޑިން ކްރާފްޓެއް ބަންޑުން ޖަހާލާފައިވަނީ މިއަދުގެ މެންދުރުން އަނބުރާ 3:44 ހާކަން އިރު އެވެ. އެ ސަރަހައްދުގައި ފުލުހުންނާ އެމްއެންޑީއެފުން ވެސް ހަރަކާތްތެރިވަމުން ދާ ކަމަށް މައުލޫމާތު ލިބިފައިވެއެވެ.
