ފަސް ހަފްތާ ތެރޭ އަމިއްލަ ކުންފުނިތަކަށް ދޭންޖެހޭ ފައިސާ ދީ ހަލާސްކުރާނެކަމަށް ވީ ވައުދު ރައީސް މުހައްމަދު މުއިއްޒު ނުފުއްދެވުމުން ރައީސް އަބްދުالله ޔާމީން އަބްދުލްގައްޔޫމް ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވެފައި ވަނީ ޕީއެންއެފްގެ ޓައުންހޯލް ޖަލްސާގައި ވާހަކަ ދައްކަވަމުންނެވެ.
އެއްވެސް ބިޑަކާ ނުލާ ސަރުކާރުން ހިންގާ 206 މަޝްރޫއު އަމިއްލަ ކުންފުނިތަކަށްކަމަށް ބުނެ ރައްޔިތުންގެ މަޖިލީހުގެ ޕީއެންސީ މެމްބަރުންގެ މަސްލަހަތު އޮންނަ ކުންފުނިތަކަށް ދިނުމުން ރައީސް ޔާމީން ވަނީ ސަރުކާރަށް ވަރަށް ބޮޑަށް ފާޑު ވިދާޅުވެފައެވެ.
މުއިއްޒު ވިދާޅުވީ ފަސް ހަފްތާ ތެރޭ މި ނިންމަނީއޭ. ބޮޑު ފަންޝަނެއްގެ ތެރޭ އެކަން ކުރާ ވާހަކަ އަޑުއިވުނީ,, އެ ފެއިލްވެއްޖެ, އެކަމެއް ނުވި, އެކަމެއް ނުވެސް ވާނެ.
ރައީސް ޔާމީން
ރައީސް ޔާމީން ވިދާޅުވީ ސަރުކާރުން އަމިއްލަ ކުންފުނިތަކަށް ދޭންޖެހޭ 13 ނުވަތަ 14 ހާސް މިލިއަނެއްހާ ފައިސާ އެބަހުރިކަމަށެވެ. ފަސް ހަފްތަ ތެރޭ އެ ފައިސާ ދީ ހަލާސްކުރާނެކަމަށް ބުނި ނަމަވެސް އެކަން ކުރުމުގެ ފެންވަރު ސަަރުކާރުގެ ނެތްކަމަށް ރައީސް ޔާމީން ވިދާޅުވިއެވެ.
މީގެއިތުރުން ރައީސް ޔާމީން ވިދާޅުވީ ސަރުކާރުން އެޗްޑީސީއަށާއި ބީއެމްއެލް ފަދަ ކުންފުނިތަކަށް ވެސް މިލިއަނުން ފައިސާ ދޭން ޖެހޭކަމަށާއި ސަރުކާރުން ދައްކަންޖެހޭ ދަރަނި ގިނަކަމަށް ފާހަގަކުރައްވާ ރައީސް ޔާމީން ވަނީ ވަރަށް ބޮޑަށް މުއިއްޒަށް ފާޑުވިދާޅުފައެވެ.
