ބޭންކް އޮފް މޯލްޑިވްސް، ބީއެމްއެލްއިން އެ ބޭންކުގެ ކާޑު މެޝިން ބޭނުންކޮށްގެން ކުރާ ވިޔަފާރިތަކަށް ޑެބިޓް ކާޑަށް ނަގާ ފީ 1 ޕަސެންޓަށް ކުޑަ ކޮށްފިއެވެ.
2000 ވަނަ އަހަރު ބޭންކުން އެމްޑީއާރު ނުވަތަ މާޗަންޓް ޑިސްކައުންޓް ރޭޓުން، ބީއެމްއެލްގެ ކާޑު މެޝިންތަކުގައި ކާޑު މެދުވެރިކޮށް ފައިސާ ބަލައިގަތުމަށްޓަކައި ބޭންކުން ވިޔަފާރިވެރިންގެ އަތުން ނަގާ ކޮމިޝަނާއި އެކު، ޑެބިޓް ކާޑު ތައާރަފްކުރެވުނެވެ. އެހިސާބުން މިއަދާހަމަޔަށް ކާޑުގެ ފީ 2.5 ޕަސެންޓުގައި ދެމެހެއްޓުމަށް ފަހު 1 ޕަސެންޓަށް ހެދީ ބޭންކުގެ 43 ވަނަ އަހަރީ ދުވަހާ ގުޅުވައިގެން ކަމަށް ބޭންކުން ވަނީ ހާމަކޮށްފައިއެވެ.
މި ފީ ކުޑަކުރެވުމުން ވަރަށް ބައިވަރު ވިޔަފާރިވެރިންނަށް އެކި ވަރުގެ ފައިދާވާނެ ކަމަށް ބީއެމްއެލްއިން ވަނީ ބުނެފައިއެވެ.
