ސަރުކާރަށް ތާއިދު އޮތްކަން ދެއްކުމަށް ރަށްރަށުން ފައިސާ ދީގެން މީހުން ގެނެސް ބޭއްވި ޕީއެންސީގެ ޖަލްސާ ކުރުކޮށްފަ ނިންމާލައިފިއެވެ.
ސަރުކާރަށް ވަރަށް ތާއިދު އޮތްކަމަށް ބުނެ ފެށި ޖަލްސާ ނިންމާލީ ރަނގަޅަށް ދެ ގަޑިއިރުވެސް ނުވަނީހެންނެވެ.
ޖަލްސާގައި ސަރުކާރުގެ މަޖިލިސް މެމްބަރުންނާއި ކެބިނެޓް މިނިސްޓަރުން ވެސް ވާހަކަ ދައްކަވާފައިނުވެއެވެ. ނުވީތާކަށް ޕީއެންސީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމަށް. ވެސް ވާހަކަ ދެއްކުމުގެ ފުރުސަތު ޖަލްސާގައި ދީފައިނުވެއެވެ.
މިދިޔަ ދެ އަހަރު ތެރޭ ސަރުކާރުން ކުރި ކަންކަން ރައީސް މުއިއްޒުގެ ވާހަކަފުޅުގައި ފާހަގަކުރިއިރު ދޭހަވެގެންދިޔައީ ސަރުކާރުން ކަންކަން ނުކުރާކަމެވެ. އެގޮތުން ޖަލްސާގައި ވެސް ވަނީ އިތުރު ވައުދުތަކެއް ވެވަޑައިގެންފައެވެ.
އައު އެއްވެސް ވާހަކައެއްް ވެސް ދައްކާފައިނުވެއެވެ. މިފަދަ ގޮތަކަށް ޖަލްސާއެއް ބޭއްވިއިރު ޖަލްސާއަށް ތަރުހީބު އޮތްކަމަށް ބުނެ ސަރުކާރުގެ ބޮޓުން ޓްވީޓުކުރަމުން އަންނައިރު ގިނައީ ސަރުކާރަށް އެއްޗެހި ކިޔާފައި މީސްމީޑީއާގައި ޕޯސްޓުކުރާ ފަރާތްތަކެވެ.
