ޒުވާނުންގެ ކަންބޮޑުވުންތައް ހާމަކުރުމަށް ހުޅުމާލެ ފޭސް ދޭއްގައި ބާއްވާ "ރައިޒްއަޕް" ހަރަކާތް މިރޭ 08:30 އޮންނާނެ ކަމަށާއި އަދި އިވެންޓްގައި ރައީސް އަބްދުﷲ ޔާމީން އަބްދުލްގައްޔޫމް ބައިވެރިވެވަޑައިގަންނަވާނެ ކަމަށް މި ހަރަކާތް ރާވާ ހިންގާ ޒުވާނުން ހާމަކޮށްފިއެވެ.

މި ހަރަކާތަކީ މިހާރު ގައުމުގެ މިސްރާބު ހުރި ގޮތާ މެދު ޒުވާނުންގެ ޝުއޫރުފާޅުކުރުމަށް ބާއްވާ ހަރަކާތެއް ކަމަށާއި މި ހަރަކާތުގައި ރައީސް ޔާމީނަށް ދެއްވި ދައުވަތު ގަބޫލުފުޅު ކުރައްވާ ބައިވެރިވުމަކީ ޒުވާނުންނަށް ލިބިގެން ދިޔަ އުއްމީދުގެ އާ ހުޅުކޮޅެއް ކަމަށް ސިފަކޮށްފައިވެއެވެ.

ރައީސް ޔާމީނުގެ ޒަޢާމަތުގައި ޒުވާނުންނަށް ގިނަ ފުރުސަތުތަކެއް ފަހިކޮށްދެއްވާފައިވާއިރު ޒުވާނުންގެ މެދުގައި އެމަނިކުފާނަކީ ތާއިދާއި ލޯބި ލިބިފައިވާ ބޭފުޅެކެވެ. މީގެ އިތުރުން، މިހާރުގެ ސަރުކާރުން ގައުމަށް އިހުމާލުވެ ދިވެހި ރައްޔިތުން ނިކަމެތިކުރަމުންދާއިރު ދިވެހި ރައްޔިތުންގެ ޙައްގުގައި އެމަނިކުފާނު ގެންދަވަނީ ވަކާލާތުކުރައްވާ ސަރުކާރު ޒިންމާދާރުކުރުމަށް ގިނަ، ބުރަ މަސައްކަތްތައް ކުރައްވަމުންނެވެ.

މި ހަރާކަތް އިންތިޒާމުކޮށް ހިންގާ ޒުވާނުން މައުލޫމާތު ދީފައިވާ ގޮތުގައި މި ހަރަކާތް ކުރިއަށް ދާނީ ބޮޑުބެރުގެ ހަރަކާތްތަކާ އަދި ބާބަކިއުއަކާ ވެސް އެކުއެވެ. އެހެންކަމުން ވީހާ ވެސް ގިނަ ރައްޔިތުން މި ހަރަކާތުގައި ބައިވެރިވުމަކީ އެ ޒުވާނުންގެ ވަރަށް ބޮޑު އެދުމެކެވެ.

މީގެ ކުރިންވެސް ހުޅުމާލެ ފޭސް ދޭއްގައި ބޭއްވި ބާބަކިއު ހަރަކާތެއްގައި ރައީސް ޔާމީން ބައިވެރިވެވަޑައިގެންނެވިއިރު އެމަނިކުފާނަށް އޮތް ލޯތްބާ ތާއީދު ރައްޔިތުން ނިކުމެ ދައްކާލާފައިވެއެވެ.