ފަރުވާ ހޯދަން ދާ ކްލައިންޓުންނަށް މަސްތުވާތަކެތި ދީގެން ޖިންސީ ގުޅުން ހިންގާ މައްސަލައެއްގައި ހައްޔަރުކުރި އެންޑީއޭގެ މުވައްޒަފުގެ ބަންދަށް 15 ދުވަސް ޖަހައިފި އެވެ.

މަސްތުން ސަލާމަތްވުމަށް ފަރުވާއަށް އެންޑީއޭއަށް ދާ މީހުންނަށް، މަސްތުވާތަކެތި ދީގެން ނަހަމަ ގުޅުން ބާއްވާ ކަމަށް ތުހުމަތުކުރެވޭ މައްސަލަ އެ އިދާރާއިން މި މަހުގެ 4 ވަނަ ދުވަހު ވަނީ ފުލުހުންނަށް ހުށަހަޅައިފަ އެވެ.

އެ މައްސަލައާ ގުޅިގެން، އެންޑީއޭގައި ޕިއާ މެންޓާއަކަށް މަސައްކަތްކުރަމުން ދިޔަ ސ. ފޭދޫ، މުހައްމަދު ފަސީހު، 51، ކޯޓު އަމުރެއްގެ ދަށުން ބުރާާސްފަތި ދުވަހު ހައްޔަރުކޮށްފައިވެ އެވެ.

ފުލުހުންގެ މީޑިއާ އޮފިޝަލް ވިދާޅުވީ އޭނާގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން، 15 ދުވަހަށް ބަންދުކުރަން އަމުރުކޮށްފައިވާ ކަމަށެވެ.

ފަސީހުއަކީ މަސްތުވާ ތަކެތީގެ މައްސަލަތަކުގެ ރިކޯޑާ އަދި މާރާމާރީ އާ ގޭންގް ވަޔަލަންސް ފަދަ ބޮޑެތި ކުށްތަކުގެ ރެކޯޑު އޮތް މީހެކެވެ. ފަސީހުއަކީ ރައީސް ޑރ މުހައްމަދު މުއިއްޒު ސަރުކާރުގެ ހޯމު މިނިސްޓްރީގައި ސީނިއަރ ޕޮލިޓިކަލް ޑިރެކްޓަރެއް މަގާމުގައި ހުރި ސޫދާ އަބްދުﷲގެ ފިރިމީހާއެވެ. ސުދާއަކީ ހޯމް މިނިސްޓްރީ ތެރެއިން ރައްޔިތުންގެ ޒާތީ މައުލޫމާތު ވައްކަން ކުރި އިރު އެ ފޯމުތަކުގައި ހެއްކެއްގެ ގޮތުގައާ އަދި ރައްޔިތުންގެ އިނގިލީގެ ނިޝާން ވެސް ޖެހި މީހެއްކަން ހާމަވެފައިވާ މީހެކެވެ.