މި މަހު މުސާރަ ކުޑަވި ނަމަވެސް ޕޭ ހާމަނައިޒްވި މުސާރަ ލިބޭނީ އަންނަ މަހު ކަމަށް ފިނޭންސް މިނިސްޓްރީން ބުނެފިއެވެ.

ފިނޭންސް މިނިސްޓްރީއިން މިހެން ބުނެފައި ވަނީ އެކި ދާއިރާތަކުން ލިބުނު މުސާރަތައް ކުޑަކަމުގެ ޝަކުވާ އާއި ކަންބޮޑުވުން ފާޅުކުރުމުންނެވެ.

އެ މިނިސްޓްރީއިން ބުނެފައި ވަނީ، ހާޒިރީއަށް ބަލައިގެން މުވައްޒަފުންނަށް ދޭ އެލަވަންސްތަކާއި ޢިނާޔަތްތައް ހިސާބުކުރަނީ ވޭތުވެދިޔަ މަހުގެ 16 އިން ހިނގާ މަހުގެ 15 ގެ ނިޔަލަށް ކަމަށާއި، މި މަހުގެ 1 ވަނަ ދުވަހު މުސާރަ ބޮޑުވި ފަރާތްތަކަށް ހާމަނައިޒްވި މުސާރަ ލިބޭނީ އަންނަ މަހުގެ، ޑިސެމްބަރު މަހުގެ މުސާރައާއި އެކު ކަމަށެވެ.

މި އަހަރުގެ ޖެނުއަރީ މަހުގެ ތެރޭގައި ޖުޑިޝިއަރީ މުވައްޒަފުންގެ މުސާރަތައް ބޮޑުކޮށްދެއްވާނެ ކަމަށް ރައީސް މުއިއްޒު ވިދާޅުވެފައިވާއިރު ޕޭ ހާމަނައިޒޭޝަންގެ ދަށުން މުސާރަތަކަށް ގެނައި ބަދަލާއިއެކު ސިވިލް ސާވިސްގެ ގިނަ މުވައްޒަފުންގެ މުސާރަ ވަނީ ބޮޑު ތަނުން ކުޑަވެފައެވެ