ސަރުކާރު ކުންފުނިތަކުން ރޯދަ އިނާޔަތުގެ އިތުރަށް މުވައްޒަފުންނަށް ހަދިޔާ ދޭނަމަ، އެ ކުންފުންޏެއްގެ ކޭޝްފްލޯއަށް އަސަރު ނުކުރާ މިންވަރަށް އެކަން ކުރުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން އަންގައިފިއެވެ.

އެ ބޯޑުން ނެރުނު ބަޔާނެއްގައި ވަނީ ރަމަޟާން މަހާ ގުޅުވައި އިތުރު ހަދިޔާތައް މުވައްޒަފުުންނަށް ދޭނަމަ އަދި އެ ކުންފުންޏަކީ ފައިދާވާ ކުންފުންޏަކަށްވާނަމަ، ކޭޝްފްލޯއަށް ނުރަނގަޅު އަސަރު ނުކުރާ މިންވަރަށް އެކަންތައް ކުރުމަށް ސަމާލުކަން ދިނުމަށް އަންގާފައެވެ.

ސަރުކާރު ހިއްސާވާ ކުންފުނިތަކާއި ސަރުކާރު ހިއްސާވާ ކުންފުނިތަކާއި އެކުންފުނިތަކުގެ ސަބްސިޑިއަރީ ކުންފުނިތަކުން އެގޮތަށް އަމަލުކުރުމަށް ވަނީ އަންގާފައެވެ.

ރޯދަ މަހުގެ ފުރަތަމަ ދުވަހުގެ ކުރިން، ކޮންމެ ދިވެހި މުވައްޒަފަކަށް ރޯދަ އިނާޔަތުގެ ގޮތުގައި މަދުވެގެން 3،000ރ. ދޭން ޖެހޭނެ ކަމަށް ވަޒީފާއާ ބެހޭ ގާނޫނުގައިވެއެވެ. އެ އިނާޔަތް ނުލިބޭ ނަމަ، ޝަކުވާ ހުށަހަޅަން ޖެހޭނީ ލޭބާ ރިލޭޝަންސް އޮތޯރިޓީން (އެލްއާރްއޭ) އަށެވެ.