ފެންނަމުންދަނީ އަދުގެ ސަރުކާރުގެ އިހްސާންތެރިކަން ނެތް މަންޒަރުކަމަށް ޕީއެންއެފް އުފެއްދުމުގައި ހަރަކާތްތެރިވާ ކާނަލް ރިޓަޔާޑް އަހްމަދު ފަޔާޒް (ޕާޕާ) ވިދާޅުވެއްޖެއެވެ.
ޕާޕާ މިފަދައިން ވިދާޅުވީ ޗެނަލް 13 އިން ގެނެސްދިން އަދާހަމަ ލައިވްގައި ވާހަކަ ދައްކަވަމުންނެވެ.
އެގޮތުން ފަޔާޒް ވިދާޅުވީ ރައީސް މުއިއްޒުގެ އިހްސާންތެރިިކަން ނެތުމުން އެކަމަކީ ރައްޔިތުން ވަރަށް ކަންބޮޑުވާކަމެއްކަމަށެވެ.
އެމަނިކުފާނުގެ ހުސްގޮނޑި އާއި އެމަނިކުފާނުގެ ފޮޓޯ ކެމްޕެއިން ދުވަސްވަރުގައި ދައްކައިގެން އައި ވެރިކަމެއް ކަމަށްވެސް ތަކުރާރުކޮށް ފަޔާޒް ވަނީ ވިދާޅުވެފައެވެ.
ދުވާލަކު ތެއް ތިރީސް ފަހަރު ހަރާން ހުކުމުގެ ވާހަކަ ދައްކަވާފަ އަދި އެއަށްވުރެ ގިނަ ވަގުތު ރައީސް ޔާމީން މިނިވަން ކުރައްވާނެ ވާހަކަ ދައްކަވައިން އިލެކްޝަން ކާމިޔާބުކޮށްގެން ރައްޔިތުން އެ މެންޑޭޓް ދެއްވީ ވެރިކަން ކުރުމަށް ވުރެ ރައީސް ޔާމީން މިނިވަންކޮށްދޭން. މާނައަކީ މިނިވަން ކޮށްދިނުމޭ މި ދެންނެވީ އިންސާފުވެރި ޝަރީއަތެއް.
ކާނަލް ރިޓަޔާޑް އަހްމަދު ފަޔާޒް
ފަޔާޒް އިތުރަށް ވިދާޅުވީ ދިވެހިން ރައީސް މުއިއްޒު އިންތިޚާބް ކުރެއްވީ ރައީސް ޔާމީން މިނިވަންކޮށްދެއްވާނެކަމަށެވެ.
އެމަނިކުފާނުގެ ޝަރީއަތްތައް ލަސްކުރަމުން ގެންދަވާތީ ސާބިތުވެގެން ދަނީ ރައީސް މުއިއްޒުގެ އެއްވެސް ނިޔަތެއް ރައީސް ޔާމީން މިނިވަންކޮށްދެއްވުމުގައި ނެތް ކަންކަމަށް ފަޔާޒް ވިދާޅުވެ ރައީސް މުއިއްޒަށް ވަނީ ފާޑުވިދާޅުވެފައެވެ.
