ސަރުކާރަށް ވަގުތު ދޭންށޭ ބުނެ ކުރަމުްނދާ ގޯސްތަކަށް ލޯ މަރާލައިގެން ތިބެފިނަމަ ހުރިހާ ގެއްލުމެއް ވާނީ ގައުމަށާ ރައްޔިތުންނަށް ކަމަށް، ކާނަލް ރިޓަޔާޑް އަހުމަދު ފަޔާޒު (ޕާޕާ) ވިދާޅުވެއްޖެއެވެ.
ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުން ޕާޕާ ވަނީ މި ސަރުކާރުން ގިނަ ގޯސްތަކެއް ހިންގާ ކޮރަޕްޝަން އިންތިހާއަށް މެކުހަށް ޖަހާފައިވާ ފާހަގަކުރައްވާފައެވެ. މީގެ އިތުރުން ޕާޕާ ވަނީ ނިމި ދިޔަ ސަރުކާރުން ރައްޔިތުންނަށް ދިން ބޯހިޔާވަހިކަން މި ސަރުކާރުން ފޭރިގެން ހަވާލުނުކޮށް ލަސްކުރަމުން ގެންދާތީވެސް ކަންބޮޑުވުން ފާޅުކުރައްވާފައެވެ.
ޕާޕާ ވިދާޅުވީ ހައްގުތައް ކަށަވަރުކުރަން ފަސް އަހަރު ވަންދެން އަނގައިން ނުބުނެ ތިބުމަކީ ހައްލެއް ނޫން ކަމަށާ އެހެން ތިބެފި ނަމަ މުޅި ގައުމުވެސް ނޯންނާނެ ކަމަށެވެ.
ހަނގުރާމަ އިއުލާންކުރާ ކަމެއް އިސްލާމުދީނުގައި، ގެދޮރު ނިގުޅައިގަތުމަކީ. ތި ބޭފުޅުން ނުކުންނަވީ. ޓެކްސީ+ ޑްރައިވަރުންނަށް ވަންޏާ އަދި މާރަގަޅަށް ތިބޭފުޅުންނަށް ވާނެ. މި ސަރުކާރަށް ކޮން އުއްމީދެއްތޯ އަޅުަގޑުމެން ކޮށްގެން މިއަދު ތިބެންވީ. އަޅުގަޑުމެން މަޑު ކުރާ ކޮންމެ ދުވަހަކީ އަޅުގަޑުމެން ގައިގައި ވޭން އަޅުވާނެ ދުވަސް. އަޅުގަޑުމެން މަޑު ކުރާ ކޮންމެ ދުވަހަކީ ދައުލަތުގެ ރައުސުލްމާލު ހުސްކުރާނެ ދުވަހެއް. އަޅުގަޑުމެން މަޑުކުރާ ކޮންމެ ދުވަހަކީ ދަރިންގެ މުސްތަގުބަލު ގެއްލުވާލާނެ ދުވަހެއް.
ޕާޕާ ވިދާޅުވިއެވެ
ޕާޕާ އިތުރަށް ވިދާޅުވީ ގައުމު ހަމަމަގަށް އެޅުވޭނީ ރައީސް އަބްދުﷲ ޔާމީން ވެރިކަމަށް ގެނެސްގެން ކަމަށާ އެ މަސައްކަތްކުރާނެ ކަމަށެވެ.
