އަޅުގަނޑަކީ އަދިވެސް ރައީސް ކަމަށާއި، އެމެރިކާއިން ވަނީ އޭނާ ވަގަށް ނަގާފައި ކަމަށް ވެނެޒުއެލާގެ ރައީސް ނިކޮލަސް މަޑޫރޯ ބުނެފިއެވެ.
ނިއުޔޯކް ސިޓީ ކޯޓެއްގައި މަޑޫރޯ ހޯމަ ދުވަހު ބުނެފައި ވަނީ އެނާ އަކީ ކުށެއް ނުކުރާ އަހްލާގު ރަނަގަޅު މީހެއް ކަމަށެވެ.
އެމެރިކާގެ ސްޕެޝަލް ފޯސަސް އިން މަޑޫރޯގެ އަންހެނުންނާ އެކު ކަރަކަސްގައި ހުންނަ އޭނާގެ ގެއިން ރަހީނު ކުރުމަށް ފަހު ޓެރަރިޒަމާއި އެނޫންވެސް ދައުވާތަކުގެ ޝަރީއަތަށް އެމެރިކާގެ ފެޑެރަލް ކޯޓަށް މަދޫރޯ އާއި އެނާގެ އަންހެނުން އިއްޔެ ވަނީ ހާޒިރުކޮށްފައެވެ. އެމެރިކާގައި މަޑޫރޯގެ މައްޗަށް ޝަރީއަތް ހިންގޭނެތޯ ކަނޑައަޅަން ބާއްވާ އަޑުއެހުންތައް މިހާރު ވަނީ ފަށައިފައެެވެ.
ޑްރަގް ކާޓެލްތަކާ ގުޅިގެން އެތައް ހާސް ޓަނުގެ ކޮކެއިން އެމެރިކާ އަށް އެތެރެ ކުރުމަށް އެހީތެރިވި ކަމުގެ ކުށް މަޑޫރޯގެ މައްޗަށް ސާބިތުވެއްޖެ ނަމަ މަޑޫރޯގެ އިތުރުން އޭނާގެ އަންހެނުންނާއި ފިިރިހެން ދަރިފުޅުގެ މައްޗަށް އުމުރު ދުވަހުގެ ޖަލު ހުކުމެއް އަންނާނެ އެވެ.
