އުމުރު ދުވަހަށް ޖަލަށް ލާފައި ތިބި 314 މީހަކަށް ކުރީގެ ރައީސް އިބްރާހީމް މުހައްމަދު ސާލިހުގެ ސަރުކާރުން މާފުދީފައިވާކަން ހާމަވެއްޖެއެވެ.
މިކަން ހާމަކޮށްފައިވަނީ ހޯމް މިނިސްޓްރީއިން ބޭއްވި ނޫސްވެރިންގެ ބައްދަލުވުމެއްގައި ވަޒީރު، ކެޕްޓަން އަލީ އިހުސާނެވެ.
ވަޒީރު ވިދާޅުވީ އާ ސަރުކާރުން ވެރިކަމާ ހަވާލުވުމަށްފަހު މަސްތުވާތަކެތީގެ ކަންކަމުގައި ހުކުމް އިއްވައިފައި ތިބި ކުށްވެރިން މިނިވަންކޮށްފައި ހުރި ގޮތް ބަލައިފައިވާކަމަށެވެ. އަދި ފާހަގަވީ އެ ފަދަ ކުށްވެރިން މިނިވަންކޮށްފައިވަނީ ކަންބޮޑުވާންޖެހޭ މިންވަރަކަށް ކަމަށް ވެސް ވިދާޅުވިއެވެ.
މީހަކު އުމުރަށް ޖަލަށް ލުމަށް ހުކުމް ކުރަނީ، ފުލުހުންގެ ވަރަށް ބުރަ މަސައްކަތުން ހިންގާ ތަހުގީގަކުންކަމަށް ފާހަގަކޮށް މިނިސްޓަރު ވަނީ އެކަމުގެ މަރުހަލާތައް ހިއްސާ ކުރައްވާފައެވެ. އެގޮތުން ތަހުގީގު ނިމި، ޕްރޮސެކިއުޓް ކުރުމަށްފަހު، އެތައް ދުވަހަކު އެ މައްސަލަ ކޯޓުގައި ކުރިއަށް ދާކަމަށް ވިދާޅުވިއެވެ. އަދި އެއަށްފަހު ހުކުމާއި ހަމައަށް ދާއިރު، އެހެން ތިބޭ މީހުންނަށް މައާފުދީފައިވާތީ ވަޒީރު އިހުސާން ކަންބޮޑުވުން ފާޅުކުރެއްވިއެވެ.
އުމުރަށް ޖަލަށް ލާފައިވާ މީހުންނަށް، އެހާ ފަސޭހައިން މައާފު ކުރެވޭނެ ގޮތަށް އޮތް އޮތުމާއިމެދު ވެސް ވަޒީރު ކަންބޮޑުވުން ފާޅުކުރެއްވިއެވެ. މިފަދައިން މާފު ދީފައިވާ މީހުން އަނެއްކާވެސް ކުށުގެ ވެށިން ފެންނަމުންދާކަމަށް މިނިސްޓަރު ވިދާޅުވިއެވެ.
ބަލައިލިއިރު ފާއިތުވެ ދިޔަ ފަސް އަހަރުގެ ތެރޭގައި އުމުރަށް ޖަލަށްލައިފައި ތިބި، ޑްރަގް ޓްރެފިކްކުރުމުގައި ކުށުގައި އުމުރަށް ޖަލަށްލައިފައި ތިބި މީހުންގެ ތެރެއިން 314 މީހަކަށް އެބައިން ފާއިތުވެދިޔަ ފަސް އަހަރުގެ ތެރޭގައި މައާފުދެވިފައި
އިހުސާން
ވަޒީރު އިތުރަށް ދާޅުވީ މިހާރު ޖަލުތަކުގައި ތިބި މީހުންގެ ތެރެއިން ގިނަ މީހުންނަކީ ކުޑަކުދިންނާ ބެހުމާއި، ޖިންސީ ގޯނާފަދަ މައްސަލަތަކުގައި ބަންދުގައި ތިބި މީހުން ކަމަށެވެ.
އެފަދަ މީހުންނަކީ މުޖުތަމައަށް ދޫކޮށްފިނަމަ ނުރައްކަލަކަށް ވެދާނެ މީހުންކަމަށް ވެސް މިނިސްޓަރު ފާހަގަކުރެއްވިއެވެ.
