ރައީސް އަބްދުﷲ ޔާމީން ފިޔަވައި ވެރިކަމުގައި ހުންނަވަނިކޮށް ގިނަ އިމްތިހާންތަކަކާ ކުރިމަތިވެވަޑައިގެން، އެ އިމްތިހާނުތަކާ ސާބިތު ކަމާ އެކު ކުރިމަތި ލެއްވި ވެރިއަކު ނެތް ކަމަށް ކުރީގެ ކޮމިޝަނަރ އޮފް ޕޮލިސް، އަދި ޕީޕަލްސް ނެޝަނަލް ފްރޮންޓު އުފެއްދުމުގައި އިސްކޮށް ހަރަކާތްތެރިވާ ހުސެއިން ވަހީދު ވިދާޅުވެއްޖެއެވެ.

ރައީސް ޔާމީންގެ ތާއީދާއެކު 20 ވަނަ މަޖިލީހަށް ނުކުންނަ ކެންޑިޑޭޓުންގެ ސިޔާސަތުތައް ހާމަކުރުމަށް ބާއްވަމުން ގެންދާ ސިލްސިލާ ޖަލްސާތަކުގެ ތެރެއިން ބުރާސްފަތި ދުވަހުގެ ރޭ ދަ ފްރޮންޓު އޮފީހުގައި ބޭއްވި ޖަލްސާގައި ހުސެއިން ވަނީ ރައީސް ޔާމީން މަގާމުން އަޒުލު ކުރަން 12 މެމްބަރަކު އުޅުއްވިކަން ހަނދާނަށް ގެންނަވާފައެވެ.

ނަމަވެސް މަގާމުން އަޒުލުކޮށްފާނެ ކަމުގެ ބިރު ހީފުޅުވެވަޑައިގެން އެ މެމްބަރުން ގަންނަން ދައުލަތުގެ އެސްއޯއީތަކުން ޚަރަދުކޮށް ރިޝްވަތު ނުދެއްވާ ކަމަށާ 17 ފަހަރަކު ރައީސް ޔާމީންގެ ސަރުކާރު ބަލިކަށިކޮށްލަން އޭރުގެ މަޖިލީހުގެ ތެރެއިން މަސައްކަތް ކުރިކަން ހުސެއިން ފާހަގަކުރެއެްވިއެވެ.

ހުސެެއިން މިފަދައިން ވިދާޅުވެފައިވާއިރު، ރައީސް ޔާމީންގެ ފުރާނަފުޅު ދުއްވާލަން ޓެރަރިޒަމްގެ ހަމަލާއެއް ދީފައިވެއެވެ. ވެރިކަން ވައްޓަލަން ސުޕްރީމު ކޯޓުގެ ބައެއް ފަނޑިޔާރުންނަށް ރިޝްވަތު ދީ ބަޣާވާތްކޮށްފައިވެއެވެ.