ދިވެހިރާއްޖޭގެ މިސްރާބު މިއަދު ހުރީ ނުކިސިޔާރުކޮށްކަން ފާހަގަކުރައްވާ ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލުގެ ނުުރުހުމާ ކަންބޮޑުވުން ސަރުކާރަށް އަމާޒުކުރައްވައިފިއެވެ.
އެކްސްގައި ކުރެއްވި ޕޯސްޓެއްގައި މަލީހު ވިދާޅުވީ، ގައުމުގައި ކޮރަޕްޝަން އޮތީ ހުރިހާ ދިމާއެއްގައި އިންތިހާއަށް އަށަގަނެ ހައްދުން މައްޗަށް ގޮސްފައިކަމަށެވެ. ރާއްޖޭގެ ކޮރަޕްޝަން އޮތީ ތާރީޚީ ރެކޯޑު މިންވަރަކަށް ކަން ފާހަގަކުރައްވާ މަލީހު ވަނީ ސަރުކާރު ތެރެއިން ކުރަން ޖެހޭ ކިތަންމެ ކުޑަ ކަމެއްގައި ވެސް ރިޝްވަތުގެ ހުތުރު ފައިސާ މޭޒު ތަންދޮށުން ދިއްކުރަން ޖެހޭ ކަމުގެ ޝަކުވާ އަޑު އިވޭ ކަމަށް ވިދާޅުވެފައެވެ.
ހަމައެހެންމެ ގައުމުގެ ކަންކަން ދަނީ ކުނިސިޔާރުކޮށްކަން ފާހަގަކުރައްވާ މަޖާޒީ ގޮތަކަށް ފާޑުވިދާޅުވެ މަލީހު ވިދާޅުވެފައިވަނީ ގައުމު ދަނީ ބޯކޮޅު ވަތަށް ޖެހެމުން ކަމަށެވެ.
މަލީހު މިފަދައިން ވިދާޅުވެފައިވާއިރު، ޕީއެންސީ ސަރުކާރުގެ އެންމެ މަތިފަޑިން ފެށިގެން ގޮސް އެންމެ އާދައިގެ މީހާއަށް ދާންދެންވެސް ތިބި ކޮރަޕްޝަނުން ފަސްބައި ކިލަނބުވެފައި ކަމަށް ރައްޔިތުން ބުނަމުން ދެއެވެ.
