ދިވެހިރާއްޖޭގައި ކުރާ ވެރިކަމަކީ "ކަސް" ނުވަތަ ހަޑި ވެރިކަމެއްގެ ގޮތުގައި ސިފަކުރައްވާ އެފަދަ ތަނެއްގައި އިންސާފު ލިބޭނެކަމަސް ގަބޫލުނުކުރައްވާ ކަމަށް ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.
އާދިއްތަ ދުވަހުގެރޭ ބޭއްވި ފްރޮންޓު އޮފީސް ޖަލްސާގައި ރައީސް ޔާމީން ވަނީ މި ގައުމުގައި އިންސާފު ނެތްކަމަށް ވިދާޅުވެ ޝަރުއީ ނިޒާމުގައި ކަން ހިނގަމުންދާ އުސޫލަށް ވަރަށް ބޮޑަށް ފާޑުވިދާޅުވެފައެވެ.
އެމަނިކުފާނު ވިދާޅުވީ ރާއްޖޭގެ ފަނޑިޔާރުގެތައް ޒަމާން ބަދަލުވި ނަމަވެސް ހިނގަމުން އަންނަނީ ގަދީމި ޒަމާނުގައިވެސް ހިނގަމުން އައި އުސޫލުން ކަމަށެވެ. އެގޮތުން ޝަރުއީ ނިޒާމުގެ މައްޗަށް ގާނޫނު އަސާސީއިން ދެ ޚަސްމުންގެ މައްޗަށް އެއްވެސް ޒާތީ ތައައްސުބެ ނެތި ހަމަހަމަކަން މަތީ ގާނޫނު އެންމެންގެ މައްޗަށް ހިންގުން ނަމަވެސް، އެންމެ ދަށު ކޯޓުން ފެށިގެން ތިން މަރުހަލާ ނިމިގެން ދާއިރުވެސް ފެންނާނީ ފަނޑިޔާރު އަބަދުވެސް ދައުލަތުން ދެކޭ ގޮތް އަހާ ކަމަށެވެ.
ނަމަވެސް އެއީ އެކަން ހިނގަން ޖެހޭ އުސޫލު ނޫންކަން ފާހަގަކުރައްވާ ރައީސް ޔާމީން ވިދާޅުވީ "އިންސާފު" އެއީ ރަދީފުގައި އޮންނަ ވަރަށް އާންމު ބަހެއް ކަމަށެވެ. އަދި އެއީ ރާއްޖެ ފަދަ "ކަސް" ވެރިކަމެއް ކުރާ ތަނެއްގައި އިންސާފު ނުލިބޭނެ ކަމަށެވެ.
ރައީސް ޔާމީން އިތުރަށް ވިދާޅުވީ، ސަރުކާރުން މިހާރުވެސް ގެންދަނީ ގާނޫނު އެމީހުންގެ އަމިއްލަ އެދުމަށް ބަދަލުކޮށް ބޭނުން ކުރަމުން ކަމަށެވެ.
