ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް، ކުރިއަށް އޮތް ރޯދަމަހަށް ކޮންމެ ގޭބިސީއަކަށް ހަނޑުލާއި ފުށް މާލޭގައި މިއަދު ބަހަން ފަށައިފި އެވެ.

މާލެ ސިޓީ ކައުންސިލުން ބުނި ގޮތުގައި ސަރުކާރުގެ ރޯދަ ހަދިޔާ ދޫކުރާނީ ކޮންމެ ކަރަންޓް މީޓަރުގެ ނަންބަރަކަށް ކަމަށާއި ހަދިޔާއާ ހަވާލުވާން ދާއިރު މީޓަރު ނަންބަރު ދައްކަން ޖެހޭނެކަމަށެވެ.

ހަދިޔާ ބަލާ ދާން ޖެހޭނީ ދިވެއްސަކު ކަމަށް ވެސް ކައުންސިލުން ބުންޏެވެ. ހަނޑޫ އަދި ފުށް ބަލާ ދާ މީހާގެ ދިވެހި ރައްޔިތެއްކަން އަންގައިދޭ އައިޑީ ކާޑު ނުވަތަ ލައިސަންސް ނުވަތަ ޕާސްޕޯޓް ގެންދަން ޖެހެއެވެ.

މާލޭ ސަރަހައްދުގައި މުދާ ދޫކުރަން ނިންމާފައިވާ ގަޑިތަކަކަކީ:

- ހެނދުނު 10:00 އިން ހަވީރު 4:00 އަށް

- ރޭގަނޑު 8:30 އިން 11:00 އަށް

ރޯދަމަހު މުދާ ދޫކުރުމަށް ނިންމާފައިވާ ގަޑިތަކަކީ:

- ހެނދުނު 9:30އިން މެނދުރު 1:00 އަށް

- ރޭގަނޑު 9:00 އިން 11:00 އަށް

މާލޭ ސަރަހައްދުން ކާޑުގެ ބާވަތްތައް ބަހަން ހަމަޖެހިފައިވަނީ ހަ ސަރަހައްދަކުންނެވެ.