ފަލަކީ ހިސާބުތަކުން ދައްކާ ގޮތުގައި ރޯދަ މަހުގެ ފުރަތަމަ ދުވަހަކީ ހޯމަ ދުވަސް ކަމަށް ކުރީގެ ރައީސް އަދި ފަލަކީ އިލްމުވެރިޔާ މައުމޫން އަބްދުލްގައްޔޫމް ވިދާޅުވެއްޖެއެވެ.

މައުމޫން "އެކްސް"ގައި ކުރެއްވި ޕޯސްޓެއްގައި ވިދާޅުވީ އިތުބާރުހުރި ފަލަކީހިސާބުން ދައްކާގޮތުގައި މިއަހަރުގެ ރަމަޟާންމަހުގެ 1 ވާނީ މާޗް މަހުގެ 11 ވާ ހޯމަދުވަހަށް ކަމަށެވެ.

މި އަހަރުގެ ކަލެންޑަރުން ވެސް ދައްކާ ގޮތުގައި ރޯދަ މަހުގެ އެއްވަނަ ދުވަހަކީ މާޗް މަހުގެ 11 ވަނަ ދުވަހެވެ.

އަދި ރޯދަ މަހުގެ އެންމެ ފަހު ދުވަހަކީ އޭޕްރީލް މަހުގެ 9 ވަނަ ދުވަހެވެ.