އަބަދުވެސް ތިބޭނީ ރައްޔިތުންނާ އެކު ކަމަށް ބުނާ ގިނަ ސިޔާސީ ލީޑަރުން މިއަދު ގައުމުގެ ކަންކަން ބޮއްސުންލައިގެންދާއިރުވެސް އަނގައިން ބަސްފުޅެއް ވިދާޅުނުވާތީ ރައީސް އަބްދުﷲ ޔާމީން ނުުރހުން އަމާޒުކުރައްވައިފިއެވެ.

އެގޮތުން މިދިޔަ ބުރާސްފަތި ދުވަހުގެ ރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، ގައުމުގައި މިއަދު ބޮޑެތި ކަންބޮޑުވުންތައް އެބަހުރި ކަމަށެވެ. އެގޮތުން ދާދި ފަހުން ޒުވާން އަންހެން ކުއްޖެއް ކަމަށްވާ ހައްވާ ޔުމްނު ވެއްޓުނު ހާދިސާއަށް ނަޒަރު ހިންގަވާލައްވާ ރައީސް ޔާމީން ވިދާޅުވީ، ސަރުކާރުގެ އެއްވެސް ވެރިއަކު އެކަން ސަމާލުކަމަށް ގެނެސް އެކަމުގައި ފިޔަވަޅު އެޅުމަށް އަވަސްވެގެންފައި ނުވާ ކަމަށަ އަދި ރައްޔިތުންގެ މަޖިލީހުގައި ވެސް އެކަމާ މެދު ސަރުކާރުގެ މެމްބަރުން މަސައްކަތެއް ކުރައްވާފައި ނުވާ ކަމަށެވެ.

ރައީސް ޔާމީން ވިދާޅުވީ މީގެ އިތުުރުން ގައުމުގައި ކޮރަޕްޝަން އިންތިހާއަށް އޮތްއިރުވެސް އެމްއެމްޕީއާރުސީ މައްސަލައިން ފެށިގެންވެސް އެއްވެސް ކޮރަޕްޝަންގެ މައްސަލައެއް ނުބަލާ ކަމަށަ ނުވެސް ބެލޭނެ ކަމަށެވެ. ރައީސް ޔާމީން ވިދާޅުވީ ގައުމުގައި މިއަދު މިހުރިހާ ކަންބޮޑުވުންތައް ހުރި އިރުވެސް ގައުމުގެ ހައްގުގައި ބަސްބުނަން ފަހަތަށް ނުޖެހޭނެ ކަމަށް ވިދާޅުވާ ލީޑަރުންގެ ހިލަމެއް ނުވާކަން ރައީސް ޔާމީން ފާހަގަކުރެއްވިއެވެ. އެގޮތުން ރައީސް މައުމޫނުއާ ކާނަލް ނާޒިމްއާ ގާސިމް އިބްރާހިމުމެން ފަދަ ލީޑަރުން މިއަދު ކޮބައިތޯ އައްސަވާ ރައީށް ޔާމީން ވަނީ މިއަދު ވެރިން ޒިންމާދާރު ކުރުވަން ކުރާ މަސައްކަތެއް ކުރަނީ އެމްޑީޕީއާ އަދި އެމަނިކުފާނުގެ ޕާޓީ ޕީއެންއެފުންކަން ފާހަގަކުރައްވާފައެވެ.

ރައީސް ޔާމީން ވިދާޅުވީ، މިއަދު ޒުވާނުން އަޑު އުފުލަން ނުކުތުމުން ސަރުކާރު ގޮތް ހުސްވެއްޖެކަމުގެ ކޮޅުމަތި ފެނިއްޖެ ކަމަށެވެ.