ޕީއެންއެފްގެ ރައީސް، ރައީސް އަބްދުﷲ ޔާމީން ބައިވެރިވެވަޑައިގަންނަވާ ވަރަށް ޚާއްސަ ހަފްލާއެއް މިރޭ ހުޅުމާލޭގައި އޮންނާނެ ކަމަށާ އެ ހަފްލާގައި ބައިވެރިވުމުގެ ދައުވަތު ހުރިހާ ދިވެހި ރައްޔިތުންނަށް އަރުވާ ކަމަށް ޕީޕަލްސް ނެޝަނަލް ފްރޮންޓުގެ ފަރާތުން ހާމަކޮށްފިއެވެ.
ޕީއެންއެފްގެ ރަޖިސްޓްރާ އަލީ ޝިއާން ޗެނަލް13 އަށް މައުލޫމާތު ދެއްވަމުން ވިދާޅުވީ، ރައީސް ޔާމީން ބައިވެރިވެވަޑައިގަންނަވާ ޚާއްސަ ހަފްލާ އޮންނާނީ ހުޅުމާލެ ފޭސް 1ގެ ނިރޮޅުމަގު، ހަނދުވަރީ ހިނގުން ކަންމައްޗަށް ވާ ގޮތަށް މިރޭ ( 27 ފެބްރުއަރީ 2026 ވާ ހުކުރު ދުވަހުގެރޭ) 9:45 ގައި ކަމަށެވެ.
އެ ޙަފްލާގައި ރައީސް ޔާމީން ރައްޔިތުންނާ މުޚާތަބު ކުރައްވާ ވާހަކަފުޅު ދައްކަވާނެ ކަމަށާ ޙަފްލާ ބައިވެރިވުމަށް ހުރިހާ ދިވެހި ރައްޔިތުންނަށް ދައުވަތު އަރުވާ ކަމަށްވެސް ވަނީ ހާމަކޮށްފައެވެ.
