މެދުއިރުމަތީގައި ފެށިގެން އުޅޭ ހަނގުރާމައިގައި އިރާނުން ގައުމުތަކަށް ދެމުންދާ ހަމަލާ އެކަނި ރައީސް މުހައްމަދު މުއިއްޒު ކުށްވެރިކުރެއްވުމުން އެމަނިކުފާނަށް ފާޑުކިޔުން އަމާޒުވެއްޖެއެވެ.
ރައީސް އޮފީހުގައި ހޯމަ ދުވަހު ބޭއްވި ނޫސްވެރިންގެ ބައްދަލުވުމުގައި ރައީސް މުއިއްޒު ވަނީ މެދު އިރުމަތީގައި ފެށިގެން އުޅޭ ހަނގުރާމައާ ގުޅިގެން އަރަބި އެކި ގައުމުތަކުގެ ވެރިންނަށް ގުޅާ އެމަނިކުފާނާ އަދި ދިވެހި ރައްޔިތުންވެސް އެ ގައުމުތަކާ އެކު ދެމި އޮތް ކަން ހާމަކުރައްވާފައިވާ ކަމަށް ވިދާޅުވެފައެވެ.
މީގެ އިތުރުން އެމަނިކުފާނު ވަނީ ޔުއޭއީގެ ރައީސަށް ގުޅުއްވާ އިރާނުން ދިން ހަމަލާ ކުށްވެރިކުރެއްވި ކަމަށް ވެސް ވިދާޅުވެފައެވެ.
އެއާއެކު ނޫސްވެރިން ވަނީ އިރާނަށް އިސްވެ ހަމަލާދިނީ އެ އަރަބު ގައުމުތަކުން ވާގިވެރިވާ އިޒްރޭލާ އަދި އެމެރިކާއިން ކަން ހާމަކޮް އިސްލާމީ އުއްމަތުގެ ލީޑަރަކު އަވަހާރަކޮށްލުމުން އެކަން ވެސް ރައީސް ކުށްވެރިކޮށް ތައުޒިޔާ ކިޔާފައިނުވާކަން ފާހަގަކޮށް ސުވާލުކޮށްފައެވެ. މީގެ އިތުރުން އަރަބި އިސްލާމީ ގައުމެއްގެ ވެރިޔަކު އަވަހާރަކޮށްލުމުން ދިވެހި ދިދަ ބައި ދަނޑިއަށް ތިރިއަށް ކޮށް ގައުމީ ހިތާމައިގެ ދުވަސްތަކެއް ބަންދުކޮށްފައިނުވާތީ ވެސް ސުވާލު އަމާޒު ކުރެވުނެވެ. އެމަނިކުފާނު ވިދާޅުވީ އެކަންކަން ކެބިނެޓާ މަޝްވަރާކުރުމަށް ފަހު ގޮތެއް ނިންމާނެ ކަމަށެވެ. ނަމަވެސް އިރާންގެ ސުޕްރީމު ލީޑަރު އަލީ ޚާމަނާއި އަވަހާރަކޮށްލި ކޮށްލުން ސީދާ ބަހުން ކުށްވެރިކުރަން ރައީސް މުއިއްޒަށް ކެރިވަޑައިނުގެންނެވިއެވެ.
އިރާނުން ދިން ހަމަލާ އެކަނި ކުށްވެރިކުރުމުން ނޫސްވެރިން އެކަން ފާހަގަކުރަން ފެށުމުން ރައީސް ވަނީ ފަހުން ކުރިން ވިދާޅުވި ބަސްފުޅޫ ކެންސަލް ކުރައްވާ ހުރިހާ ގައުމަކުން ދެމުންދާ ހަމަލާތައްވެސް ކުށްވެރިކުރައްވާފައެވެ.
މެދުއިރުމަތީގައި ހިނގަމުންދާ ހަނގުރާމައިގައި ރައީސް މުއިއްޒުގެ ސަރުކާރުން ޔަހޫދީންނާ އެކު އޮތް ކަމަށް ބުނެ ގިނަ ބަޔަކު ގެންދަނީ ނުުރުހުން ވެސް ފާޅުކުރަމުންނެވެ.
