އިރާނާ ސުޕްރީމު ލީޑަރު އާޔަތުﷲ އަލީ ޚާމާނައީ އަވަހާރަކޮށްލުމަކީ ހިތާމައެއް ކަމަށް ވިދާޅުވާން ރައީސް ޑރ މުހައްމަދު މުއިއްޒަށް ކެރިވަޑައިނުގަތްކަން ހާމަވެއްޖެއެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިއަކު ވަނީ ހާމަނާއީ އަވަހާރަވުމުން ތައުޒިޔާގެ މެސެޖެއް ނުފޮނުއްވަނީ ކީއްވެތޯ އާ ދިދަ ބައި ދަނޑިއަށް ތިރިނުކުރާ ނުކުރުމާ ގުޅޭ ގޮތުން ސުވާލުކޮށްފައެވެ. އެއަށް ވިދާޅުވީ، ކެބިނެޓާ މަޝްވަރާ ކުރާނެ ކަމަށެވެ.
އެއަށް ފަހު އެހެން ނޫސްވެރިއަކު ވަނީ ތައުޒިޔާ ވިދާޅުނުވެ ދިގުދެމިގެން ގޮސްފައިވާކަން ފާހަގަކޮށް އެކަމަށް އަމަލުކުރާ އުސޫލެއް ވެސް ދިވެހި ދައުލަތުގައި އޮތްކަން ފާހަގަކޮށްފައެވެ. އެކަމަށްވެސް ޖަވާބެއް ނުދެއްވާ ހުންނަވަނިކޮށް އަނެއްކާވެސް އެހެން ނޫސްވެރިއަކު ވަނީ ހާމަނާއީ އަވަހާރަވުމަކީ އިސްލާމީ އުއްމަތަށް ލިބުނު ހިތާމައެއްތޯ ކަމަށް ރައީސް މުއިއްޒު ގަބޫލުކުރައްވަންތޯއެވެ.
ޖަވާބުގައި ރައީސް މުއިއްޒު ވިދާޅުވީ "މި ހަނގުރާމަ ހިނގުމަކީ ވަރަށް ބޮޑު ހިތާމައެއް" ކަމަށެވެ. އަދި ހަނގުރާމައިގައި މަރުވާ ކޮންމެ މުސްލިމަކު މަރުވުމަކީ ހިތާމައެއް ކަމަށެވެ. ސީދާ ޚާމާނާއީ އަވަހާރަކޮށްލުމަކީ ހިތާމައެކޭ ވިދާޅުވާން ކެރިވަޑައިނުގަންނެވިއެވެ.
ހާމަނާއީ އަވަހާރަވުމުން ދިވެހި ގައުމީ ދިދަ ބައިދަނޑިއަށް ތިރިނުކުރަނީ ކީއްވެގެންތޯ ސުވާލުކުރުމުން އެ ސުވާލަށް ވެސް ރައީސް މުއިއްޒު ޖަވާބެއް ނުދެއްވި އެވެ. ޖަވާބު ނުދެއްވުމުން ތަކުރާރުކޮށް އެ ސުވާލުކުރާތީ އެމަނިކުފާނު ވިދާޅުވީ ދިވެހި ސަރުކާރުން މަސައްކަތް ކުރަނީ އަރަބި އިސްލާމީ ހުރިހާ ގައުމަކާ ގުޅިގެން ކަމަށެވެ.
ރައީސް މުއިއްޒުގެ ވާހަކަފުޅުން ދޭހަވީ އަރަބި އިސްލާމީ ބައެއް ގައުމުތަކުން ނުރުހިދާނެތީ އެކަން ނުކުރެއްވީ ކަމެވެ. އިސްލާމީ ގައުމުތަކުގެ އިސްވެރިން އަވަހާރަވުމުން މީގެކުރިން ރައީސް މުއިއްޒު އެކްސްގައި ވެސް އެކަން ކުށްވެރިކޮށް ޕޯސްޓް ކުރައްވާފައިވެ އެވެ. ނަމަވެސް ހާމަނާއީ އަވަހާރަކޮށްލުމުން އެއްވެސް އެއްޗެއް ވިދާޅެއްނުވެ އެވެ.
މީގެ އިތުރުން ރާއްޖެއާ ސިޔާސީ ގޮތުން ގުޅިފައިވާ ބޭރު ގައުމެއްގެ ވެރިޔަކު އަވާހަރަވުމުގެ ހިތާމައިގައި ދިވެހި ގައުމިދިދަ ބައިދަނޑިއަށް ތިރިކުރުމާ ސަރުކާރު ބަންދު ކުރުމާ ބެހޭ ގަވާއިދުގެ 2 ގައި އިސްލާމީ ގައުމެއްގެ ނުވަތަ ސާކު ގައުމެއްގެ ހެޑް އޮފް ސްޓޭޓު އަވަހާރަވެއްޖެ ނަމަ 1 ދުވަސް ބަންދުކޮށް 3 ދުވަސް ވަންދެން ދިވެހި ގައުމީ ދިދަ ބައިދަނޑިއަށް ތިރިކުރުން، ބަންދުކުރާ ދުވަސް ކަނޑައަޅާނީ ރައީސުލްޖުމްހޫރިއްޔާގެ އޮފީހުން ކަމަށް ބަޔާންކޮށްފައިވެއެވެ.
