އިސްލާމީ އުންމަތާ ދެކޮޅަށް ހިންގަމުންދާ ޖަރީމާތަކަށް ވާގިވެރިވާ އެމެރިކާގެ އަސްކަރިއްޔާއަށް ބޮޑު ނާކާމިޔާބީއެއް ކުރިމަތިވެއްޖެއެވެ. އެމެރިކާގެ ވައިގެ ސިފައިންގެ ދެވަނަ އެފް-15 އީގަލް މަތިންދާބޯޓު މިއަދު ކުވައިތުގެ މައްޗަށް ވައްޓާލާފައިވާ ކަމަށް އިރާންގެ ރިޕޯޓްތައް ބުނެފިއެވެ.
މި ހާދިސާ ހިނގާފައިވަނީ މިއަދު ހެނދުނުގެ ވަގުތެއްގައެވެ. މަޢުލޫމާތު ލިބިފައިވާ ގޮތުގައި، ވަކިވަކި ތިން ހާދިސާއެއް ހިނގާފައިވާއިރު، އޭގެ ތެރޭގައި އެމެރިކާގެ ދެ އެފް-15 މަތިންދާބޯޓަކަށް ވަނީ ބަޑިޖަހައި ބިމާ ހަމަކޮށްލާފައެވެ. މިއީ އިޒްރޭލުގެ ނުބައި ރޭވުންތަކަށް ހިތްވަރުދޭ އެމެރިކާގެ އަސްކަރީ ބާރަށް ލިބުނު ވަރުގަދަ ހަމަލާއެކެވެ.
މިކަމާ ގުޅިގެން ކުވައިތުގެ ޑިފެންސް މިނިސްޓްރީން ނެރުނު ނޫސްބަޔާނެއްގައި ވަނީ، މިއަދު ހެނދުނު އެމެރިކާގެ އަސްކަރީ ބައެއް މަތިންދާބޯޓުތައް ވެއްޓިފައިވާކަން ކަށަވަރުކޮށްދީފައެވެ. ނަމަވެސް އެ ބޯޓުތަކުގެ ހުރިހާ ފަޅުވެރިން ސަލާމަތްވެފައިވާ ކަމަށް އެ މިނިސްޓްރީން ބުނެފައިވެއެވެ.
އިޒްރޭލުގެ ބޮޑުވަޒީރު ނަތަންޔާހޫގެ ހަރުކަށި ސިޔާސަތުތަކަށް އެހީތެރިވާ އެމެރިކާގެ މިފަދަ ވަސީލަތްތައް ނެތިގެން ދިއުމަކީ، އަނިޔާވެރިކަމާ ދެކޮޅަށް މަސައްކަތްކުރާ ފަރާތްތަކަށް ލިބުނު ހިތްވަރެއްގެ ގޮތުގައި ގިނަ ބަޔަކު ދެކެއެވެ.
