ދައުލަތުގެ ޚަރަދު ކުޑަކުރަންޏާ ޖެހެނީ ސަރުޚާރުން ކުރަމުންދާ ބޭކާރު ޚަރަދުތައް ހުއްޓާލާން ކަމަށް ޕީއެންއެފްގެ ރައީސް، ރައީސް އަބްދުﷲ ޔާމީން ވިދާޅުވެއްޖެއެވެ.
އެމަނިކުފާނު މިފަދައިން ވާހަކަ ދެއްކެވީ ގައުމުގައި ބާއްވާ މައި ދެ އިންތިހާބު (ރިޔާސީ އިންތިހާބާ މަޖިލިސް އިންތިހާބު) އެއް ދުވަހެއްގައި ބާއްވަން ސަރުކާރުން ކުރަމުންދާ މަސައްކަތަށް އިޝާރާތްކުރައްވާއެވެ.
މާލޭގެ މޭޔަރު ކަމަށް ނުކުންނަވާ ގައުމީ ކެންޑިޑޭޓު އިސްމާއިލް ޒަރިޔަންދުގެ ކެމްޕެއިން ހަރަކާތެއްގައި ހުޅުމާލޭގައި ހުންނަވާ ރައީސް ޔާމީން ވަނީ ދެ އިންތިހާބު އެއްކޮށްލުމުން ނުކުންނާނެ ނަތީޖާ ގޯސްވާނެ ކަން ފާހަގަކުރައްވާ އެއީ މިނިވަން މުއައްސަސާތަކަށް ފާރަވެރިވާނެ ބަޔަކުވެސް ނެތި ގައުމުގައި ހުސްކަމެއް އަންނާނެ ދުވަސްތަކެއް ދާނެ ކަމެއް ކަމަށްވެސް ވިދާޅުވެފައެވެ.
މީގެ އިތުރުން ރައީސް ޔާމީން ވަނީ، ޚަރަދު ކުޑަކުރަން ބޭނުންނަމަ އަމިއްލައަށް އޮޑިޓެއް ހަދާ ޚަރަދުވާ ކަންކަން ބަލާ ޚަރަދު ކުޑަކުރަން ކަންކަން ރޭވުން މުހިއްމު ކަމަށެވެ. ރައީސް ޔާމީން ވަނީ ބޭކާރު އިސްރާފު ޚަރަދު ކުޑަކުރުން މުހިއްމުކަން ފާހަހަގަކުރައްވާ ރައީސް ޔާމީން ވިދާޅުވީ ކާބަފައިން ގާނޫނު އަސާސީއެއް ވުޖޫދުކުރަން 18 އަހަރު ހޭދަކުރެއްވީ ނުހަނު ގިނަ ކަންކަމަށް ނުހަނު ގިނަ ގޮތްގޮތުން ވިސްނުމަށް ފަހު ކަމަށާ އެހެންކަމުން މެޖޯރިޓީ އޮތަތީ ގާނޫނަށް ހިތަށް އައިހާ ބަދަލެއް ގެންނަމުންދާއިރު މިކުރެވެނީ ކިއްކަން ވިސްނަން ޖެހޭނެ ކަމަށްވެސް އެމަނިކުފާނު ވިދާޅުވިއެވެ.
ރައީސް ޔާމީން ވިދާޅުވީ ދެ އިންތިހާބު އެއްކޮށްލުމުން ޖަވާބުދާރީ ކުރުވުމުގެ ގިނަކަންކަން ބަންދުވެގެންދާނެ ކަމަށެވެ.
