ގައުމުގައި މިހާރު ފެންނަމުން ދަނީ، ތެލުގެ ރިޒާވް ބިނާނުކުރުމުގެ ނަތީޖާ ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވެފައިވަނީ، ރާއްޖޭގައި ތެލުގެ އަގު މައްޗަށް ދިޔަކަމަށް ބަޔާންކޮށްފައިވާ ޚަބަރެއްގެ ސްކްރީނު ޝޮޓެއް ހިއްސާކުރައްވާ އެކްސްގައި ކުރެއްވި ޕޯސްޓެއްގައެވެ.
މަލީހު ވިދާޅުވެފައިވަނީ، ރިކަރަންޓު ޚަރަދަށް މުޅި ދައުލަތުގެ އާމްދަނީ އިސްރާފުނުކޮށް ރިޒާވްއެއް ބިލްޑް ކުރުމުގެ ބޭނުމަކީ އެ ފަދަ ހާލާތްތަކުގައި މުޅި ޝޮކު ރައްޔިތުންނަށް ޕާސްކުރުމުގެ ބަދަލުގައި އެ އޮބްޒާވްކުރުން ކަމަށެވެ.
ތެލުގެ ރިޒާވެއް ބިނާކުރުމަކީ އެއީ ަމގްސަދުކަން ބަޔާންކޮށް މަލީހު ވިދާޅުވެފައިވަނީ، އެކަން ނުކޮށް އަތުގައި އެއްޗެއް ނެތުމުގެ ނަތީޖާއަކީ މިއަދު ގައުމުން ފެންނަމުންދާ ފަދައިން ތެލުގެ އަގު މައްޗަށް ގޮސް ރައްޔިތުންނަށް ބުރަ އުފުލަން ޖެހުން ކަމަށްވެސް މަލީހު ވަނީ ވިދާޅުވެފައެވެ.
މަލީހު މިފަދައިން ވިދާޅުވެފައިވާއިރު، އެސްޓީއޯއިން ވިއްކާ ޑީސަލާއި ޕެޓްރޯލްގެ އަގު އެ ކުންފުނިން ވަނީ ރެކޯޑު އަދަދަކަށް މައްޗަށް ޖައްސާފައެވެ.
