މާލޭގެ މޭޔަރު ކަމަށް ހޮވިއްޖެ ނަމަ ބާރުވެރި ފަރާތްތަކުން ރައްޔިތުންގެ ހައްގުތަކަަަަަަަަަަަަަަަަށް އަރަމުންދާ ދިއުމަށް ނިމުމެއް ގެނެސްދެއްވުމަށް މާލޭ ސިޓީގެ ގައުމީ މޭޔަރަލް ކެންޑިޑޭޓު އިސްމާއިލް ޒަރިޔަންދުގެ ކިބައިން ޕީއެންްއެފްގެ ރައީސް، ރައީސް އަބްދުﷲ ޔާމީން އެދިވަޑައިގެންފިއެވެ.
ރައީސް ޔާމީންގެ މިފަދަ އެދިލެއްވުމެއް އެދިލައްވާފައިވަނީ ޒަރިޔަންދުގެ ކެމްޕެއިން ހަރަކާތުގައި ބައިވެރިވެވަޑައިގެންނެވެ.
ރައީސް ޔާމީން ވަނީ ޒަރިޔަންދު މޭޔަރު ކަމަށް ހޮވުނަސް އެމަނިކުފާނު އަމިއްލަ ކަމަކު ކިޔަން ނޯންނާނެ ކަމަށާ އަބަދުވެސް އެދޭނީ ރައްޔިތުންގެ ކަންކަން ފުރިހަމަ ކުރަން ކަމަށް ވިދާޅުވެފައެވެ.
އެގޮތުން ޒަރިޔަންދު މިހާރުވެސް ފެއްޓި ރާސްތާ ކާމިޔާބީއަށް އެދޭ ކަމަށާ ޒަރިޔަންދު ކެމްޕެއިންގައި ބުނާ ފަދައިން ރައްޔިތުންގެ މެދުގައި އިންސާފާ ހަމަހަމަކަން ގާއިމުކޮށް އެގޮތުގައި ދެމި ހުންނަވާ ފަރުދުންގެ މެދުގައި މާލެއާ ހުޅުމާލޭގައި ހުރި މައްސަލަތައް ހައްލުކޮށްދެއްވުމަށް އެމަނިކުފާނު ވަނީ އެދިވަޑައިގެންފައެވެ.
އެމަނިކުފާނު ވަނީ ގައުމުގައި ހުންނަނީ ރައްޔިތުންގެ މުދާ ކަަމަށާ ނަމަވެސް ރައްޔިތުންނަށް އެކި ބޭނުންތަކަށް އެ ކަންކަން ބޭނުންކުރަންވެސް ހުއްދަ ނަގަން ޖެހުމާ ހުއްދަ ނެގުމަށް ފަހު ދެންވެސް އެތައް ތަކުލީފުތަކެއް ޖެހޭކަން ފާހަގަކުރައްވާފައެވެ.
ރައީސް ޔާމީން ވަނީ ޒަރިޔަންދު ޚިޔާރު ކުރީ ކޮރަޕްޝަނާ ދުރު ނަޒާހާތްތެރިއަކަށް މެނުވީ މާލެ ސިޓީގައި ހުރި މައްސަލަތައް ހައްލުނުކުރެވޭނެތީ ކަމަށްވެސް ވިދާޅުވެފައެވެ.
