ޕާޝިއަން ގަލްފުގެ އުތުރުގައި އޮންނަ ކުވައިތުގެ ކަނޑުގެ ސަރަހައްދު ކައިރިން އެމެރިކާ އާއި އިނގިރޭސިވިލާތުގެ ތެޔޮ ޓޭންކަރުތަކަކަށް އަމާޒުކޮށް ވަރުގަދަ ހަމަލާތަކެއް އިރާނުން ދީފިއެވެ. މި ހަމަލާތަކާއެކު އެ ސަރަހައްދުގައި ބޮޑު ގޮވުމެއް ގޮވާފައިވާކަމަށް ރިޕޯޓްތައް ބުނެއެވެ.
އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ވަނީ ސްޓްރޭޓް އޮފް ހޮރްމޫޒް އަކީ އެމެރިކާ، އިނގިރޭސިވިލާތް އަދި އިސްރާއީލުގެ ބޯޓުތަކަށް ވަދެ ނުކުމެ ނޫޅެވޭނެ "ނޯ ގޯ ޒޯން" އެއްގެ ގޮތުގައި ކަނޑައަޅައި އިއުލާންކޮށްފައެވެ.
މި ހަމަލާތަކަކީ އިރާނާއި ދެކޮޅަށް އިސްރާއީލުން ހިންގަމުންދާ ލާއިންސާނީ އުދުވާނާއި، އެކަމަށް އެމެރިކާއާއި ހުޅަނގުގެ ގައުމުތަކުން ވާގިވެރިވަމުންދާތީ އެކަމުގެ ބަދަލުހިފުމުގެ ގޮތުން ދީފައިވާ ހަމަލާތަކެއް ކަމަށް މަސްދަރުތަކުން ބުނެއެވެ.
އިސްރާއީލުގެ ނުބައި ރޭވުންތަކާއި އެމެރިކާގެ އަސްކަރީ ނުފޫޒާ ދެކޮޅަށް އިސްލާމީ ގައުމުތަކުން ދެމުންދާ މިފަދަ ރައްދުތަކަކީ، އިސްތިއުމާރީ ބާރުތަކުން މެދުއިރުމަތީގައި ފަތުރަމުންދާ ފިތުނައާއި އަނިޔާވެރިކަން ހުއްޓުވުމަށް އެޅޭ މުހިންމު ފިޔަވަޅެއްގެ ގޮތުގައި ގިނަ ބަޔަކު ދެކެއެވެ.
