އީރާނުގެ އަސްކަރިއްޔާއިން އިސްރާއީލަށާއި އެ ސަރަހައްދުގައި ހުރި އެމެރިކާގެ މަރުކަޒުތަކަށް އަމާޒުކޮށް ފޮނުވާލި ނުރައްކާތެރި ބެލިސްޓިކް މިސައިލްތަކުގެ މަންޒަރުތައް ދައްކުވައިދޭ ފޫޓޭޖްތަކެއް އެގައުމުން އާންމުކޮށްފިއެވެ.
އީރާނުގެ ދައުލަތުގެ މީޑިއާއިން އާންމުކޮށްފައިވާ މި ވީޑިއޯތަކުން ފެންނަ ގޮތުގައި، 10 އަށްވުރެ ގިނަ "ހެވީ ބެލިސްޓިކް މިސައިލް" ވަނީ ކާމިޔާބުކަމާއެކު ފޮނުވާލާފައެވެ. މި ހަމަލާތަކަކީ އިސްރާއީލާއި އެމެރިކާއިން ގުޅިގެން އިރާނަށް ދެމުންދާ ހަމަލާތަކަށް ރައްދު ދިނުމުގެ ގޮތުން ދީފައިވާ ހަމަލާތަކެއް ކަމަށް އީރާނުން ބުނެއެވެ.
މި ހަމަލާގައި ބޭނުންކޮށްފައިވާ މިސައިލްތަކުގެ ތެރޭގައި ހިމެނެނީ:
މި ހަމަލާތަކާ ގުޅިގެން މެދުއިރުމަތީގެ މަސްރަހު ވަނީ ވަރަށް ބޮޑަށް ހޫނުވެފައެވެ. އިސްރާއީލުން ބުނަމުންދަނީ އީރާނުގެ މި ހަމަލާތަކަށް ރައްދު ދޭނެ ކަމަށެވެ. ނަމަވެސް އީރާނުން ވަނީ އިސްރާއީލުން އިތުރު ހަމަލާއެއް ދީފިނަމަ، މިއަށްވުރެ ވަރުގަދަ ރައްދެއް ދޭނެކަމުގެ އިންޒާރު ދީފައެވެ.
މި ހަމަލާތަކާ ގުޅިގެން އިސްރާއީލުގެ އަސްކަރީ މަރުކަޒުތަކަށް ބޮޑެތި ގެއްލުންތަކެއް ލިބިފައިވާ ކަމަށް ރިޕޯޓްތައް ބުނާއިރު، އެމެރިކާއިން ދަނީ އިސްރާއީލުގެ ދިފާއުގައި އެ ސަރަހައްދުގައި ހަރަކާތްތެރިވަމުންނެވެ.
