މިހާރު ގައުމުގައި ތިބީ ޝަހެންޝާހީ ވެރިކަމެއް ކަމަށް ކުރާ ބައެއް ކަމަށްވިދާޅުވެ، ޕީއެންއެފް ރައީސް ޔާމީން ޢަބްދުލްޤައްޔޫމް ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.
ޕީޕަލް ނެޝަނަލް ފްރަންޓް (ޕީއެންއެފް)ގެ ފަރާތުން ހުޅުމާލޭގައި ބުރާސްފަތި ދުވަހުގެރޭ ބޭއްވި "މި ނިންމުން މަ ނިންމައިފިން" ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ، މި ސަރުކާރަކީ ޤާނޫނަށް އިޙްތިރާމް ނުކުރާ، ރައްޔިތުންގެ ޙައްޤުތައް "ކޮޅުފަޔަށް ޖަހަމުންދާ" ވިޔާނުދާ ބައެއް ކަމަށެވެ.
އެމަނިކުފާނު ވިދާޅުވީ ރައީސް މުހައްމަދު މުއިއްޒު މިހާރުވެސް ހުރިހާ ބާރުތަކެއް މުށުތެރެއަށް ލައްވައިގެން ހުންނަވާ ކުރައްވަމުން ގެންދަވަނީ ޚުދުމުހުތާރު ރަސްކަމަކަށް ވުރެވެސް ނުބައި ވެރިކަމެއް ކަމަށާ މިހާރު ރާއްޖޭގައި އޮތީ ޖަންގަލީގެ ވެރިކަމެއް ކަމަށެވެ.
އެމަނިކުފާނު ވިދާޅުވީ މި ސަރުކާރަށް ކައުންސިލްތަކުގެ ބާރު ދީފިނަމަ، ރައްޔިތުންނަށް ލިބޭނެ އެއްވެސް މަންފާއެއް ނެތް ކަމަށާއި، އޭގެ ބަދަލުގައި މިނިވަން ކެންޑިޑޭޓުން ހޮވަން ޖެހޭ ކަމަށެވެ.ރައީސް ޔާމިން ވިދާޅުވީ މި ސަރުކާރުގެ ހަމައެކަނި އަމާޒަކީ "ހެޔޮވަރު ދަރުބާރެއް" ބިނާކުރުން ކަމަށާއި، ޑިމޮކްރަސީގެ ހުރިހާ އުޞޫލުތަކެއް މުގުރާލާފައިވާ ކަމަށެވެ. އެހެންކަމުން، ރައްޔިތުންގެ ބާރު އިސްކޮށް، ސަރުކާރު ޖަވާބުދާރީ ކުރުވުމަށްޓަކައި މަޖިލީހާއި ކައުންސިލްތަކުން މި ސަރުކާރަށް ފުރުޞަތު ނުދިނުމަށް އެމަނިކުފާނު ގޮވާލެއްވިއެވެ.
