ރާއްޖޭގެ ކަނޑުގެ ސަރަހައްދު 24 ގަޑިއިރު މެދުކެނޑުމެއްނެތި ބެލެހެއްޓުމަށް ދިވެހި އަސްކަރިއްޔާއަށް ގެނައި ޑްރޯންތައް ހުކުރު ދުވަހުގެ ރޭ އިފްތިތާހްކޮށްފިއެވެ.

މި ޑްރޯންތައް އިފްތިތިހާކޮށްދެއްވައި މި ކަން ފަށައި އޮޕަރޭޓުކުރުމުގެ އަމުރުގައި ދިވެހިރާއްޖޭގެ ރައީސް ސޮއިކުރެއްވީ ނ. މާފަރު އިންޓަނޭޝަނަލް އެއާޕޯޓުގައި އޮތް ރަސްމިއްޔާތުގައެވެ.

މި ޑްރޯން ތައާރަފްކުރުމަށްފަހު ހުކުރު ދުވަހުގެ ރޭ ވަނީ ފުރަތަމަ ޑްރޯން ވަނީ ރަސްމިއްޔާތުގައި އުދުއްސައިލައިފައެވެ.

ދިގުމިނުގައި ހަ މީޓަރު ފިޔަގަނޑުގައި 12 މީޓަރު ހުންނަ ގާތްގަނޑަކަށް 700 ކިލޯގެ މި އުޅަނދުގައި މުވާސަލާތީ ހިދުމަތްތަކުގެ ރޭންޖު 300 ކިލޯމީޓަރާ ހަމައަށް ހުންނަ ކަމަށާއި އަދި، 150 ކިލޯގެ ޕޭލޯޑް ކެޕޭސިޓީއެއް ލިބިގެންވާކަމަށް އެމްއެންޑީއެފުން ވަނީ ބުނެފައެވެ.

ޒަމާނީ އާލާތްތަކާ އެކު އުދުއްސޭ މި ޑްރޯން 70 އާއި 120 ނޮޓުގެ ސްޕީޑުގައި 27 ގަޑިއިރަށް ވުރެ ގިނައިރު ދުއްވޭނެކަމަށާއި އަދި، 25،000 ފޫޓަށްވުރެ މަތިން ދުއްވުމުގެ ގާބިލުކަން ވެސް މި ޑްރޯންގައި ހުރެއެވެ.

ސާޖިކަލް ޕްރިޒިޝަން ސްޓްރައިކްތައް ހެދުމުގެ ގާބިލުކަން ލިބިފައިވާ މި ޑްރޯން އޮޕަރޭޓްކުރާނީ އެމްއެންޑީއެފްގެ ހާއްސަ ޓީމަކުންނެވެ.

ރާއްޖޭގެ އީއީޒެޑް ދިވެހިން އަމިއްލައަށް ބެލެހެއްޓުމަކީ ރައީސް އަބްދުﷲ ޔާމީން އަބްދުލްގައްޔޫމް އަބަދުވެސް ބޭނުންފުޅުވެެލެއްވި ގޮތެވެ.

އިންޑިޔާގެ ސިފައިން ރާއްޖޭގައި ގާއިމްވެތިބުމުން އެކަމާ ދެކޮޅަށް އަޑުއުފލާ ރައީސް ޔާމިން ވަނީ އިންޑިޔާ އައުޓް ހަރަކާތްތަކެއްވެސް ރާއްޖޭގެ އެކި ކަންކޮޅުތަކުގައި ވަނީ ކުރިޔަށް ގެންގޮސްފައެވެ.

ތުރުކީން ބައިރަކްތާރ ޑްރޯންތައް ކަނޑުގެ ސަރަހައްދު ބަލަން ގެނައުމުން އެމްޑީޕީން ވަނީ ފާޑުކިޔުން އަމާޒުކޮށްފައެވެ.

އެމްޑީޕީން ފާޑުކިޔުން އަމާޒުކޮށްފައިވަނީ އިންޑިޔާގެ ތަޕާސް ޑްރޯންތައް ކަނޑުގެ ސަރަހައްދު ބެލުމަށް ނުގެނުމުންކަންވެސް ފާހަގަކޮށްލެވެއެވެ.

ނިމިދިޔަ އެމްޑީޕީގެ ވެރިކަމުގެ 5 އަހަރުގައި މިފަދަ އެއްވެސް ކަމެއް ކުރެވިފައިނުވާއިރު އެމްޑީޕީއަށް މިއަދު މިކަމުގައި ބަސްބުނުމުގެ ހައްގު ލިބިފައިނުވާކަމަށް ގިނަ ބަޔަކު ގަބޫލުކުރެއެވެ.

ދިވެހިރާއްޖޭގެ އެއާފޯރސް އެއް އުފެދިގެން ދިޔަ ކަމީ މިއަދު ދިވެހިން ފަހުރުވެރިވާ ކަމެއްކަމަށްވެސް ގިނަ ދިވެހިން އަންނަނީ ބުނަމުންނެވެ.