"ދިވެހީންގެ ރާއްޖެ" ސްލޯގަން ގެނައި ބޭނުމާ މަގްސަދު މިހާރު ގެންދަނި އޮޅުވާލަމުން ކަމަށާ މަޖިލިސް އިންތިހާބު ކެމްޕެއިންގައި އެ ސްލޯގަންގެ ބޭނުންކުރަމުން ދަނީ މަކަާރާ އޮޅުވާލުމުގެ ތެރެއިން ކަމަށް، ޕީޕަލްސް ނެޝަނަލް ޕްރޮންޓް (ޕީއެންއެފް)ގެ ފަރާތުން ރައްޔިތުންގެ މަޖިލީހުގެ އިންތިހާބުގައި ހެންވޭރު ހުޅަނގު ދާއިރާއަށް ކުރިމަތި ލައްވާ ކެންޑިޑޭޓު ނާއިފު ޝައުކަތު ވިދާޅުވެއްޖެއެވެ.
ޗެނަލް13 އިން ގެނެސްދޭ ޕީއެންއެފް އަދާހަމަ ޕްރޮގްރާމުގައި ވާހަކަ ދައްކަވަމުން ނާއިފު ވިދާޅުވީ، ދިވެހީންގެ ރާއްޖެ ގެނައީ އަނެއް ދިވެހި ރާއްޖެ ކަމު ނުގޮސްގެން ކަމަށާ ނަމަވެސް މިހާރު އެކަން ހަނދާން ނައްތާލާ އިންޑިއާގެ ނުފޫޒުން ގައުމު އެއްކިބާ ކުރުމުގެ މޯހިރުގައި މަސައްކަތް ކުރަމުން ނުގެންދާ ކަމަށެވެ.
ނާއިފު ވިދާޅުވީ ދިވެހީންގެ ރާއްޖެ ގެނައީ އޭރު އޮތް ސަރުކާރުން އިންޑިއާގެ ނުފޫޒު މިގައުމަށް ވައްދާ މި ރާއްޖެއަކީ އިންޑިއާ މީހުންގެ ތަނަކަށް ހަދާފައި އޮތް އޮތުން ނިމުމަކަށް ގެނައުމަށް ކަމަށެވެ.
ދިވެހީންގެ ރާއްޖެ ސްލޯގަންއައީ ކހިނެއްތޯ އެބަ ބަލަން ޖެހޭ. އޭގެ މަގްސަދަކީ ކޮބައިތޯކަމާ. އެގޮތުން ދިވެހީންގެ ރާއްޖެ އެ ސްލޯގަން އައީ އިންޑިއާ ސަރުކާރެއް މިތާ އޮތީމުން ރައްޔިތުންގެ ވިންދާ އެއް ގތަށް ދިވެހީންގެ ބާރު ދިވެހިން ނެގުމަށް. ނަމަވެސް މިހާރު ފެންނަމުންދާ މަންޒަރުތަކަށް ބަލާއިރު ހަމަ ކުރިން އޮތް ގޮތަށް ރުޖޫއު ވަމުން މިދަނީ، އެހެންކަމުން ދިވެހީންގެ ރާއްޖޭގެ ސްލޯގަނުން ކުރަމުން ދަނީ ވައްކަމެކޭ ބުނެވޭނީ
ނާއިފު
ނާއިފު ވިދާޅުވީ މަޖިލިސް އިންތިހާބުގައި ރައީސް ޔާމީންގެ ކެންޑިޑޭޓުންނަށް ވޯޓު ދޭން ޖެހެނީ އެ ސަބަބާ ހުރެ ކަމަށެވެ.
