2022 ވަނަ އަހަރުގެ އޮކްޓޯބަރު މަހުގެ ތެރޭގައި ފުލުހުންގެ ބެލުމުގެ ދަށުގައި ހުއްޓާ ނިޔާވި އަބްދުﷲ ރަޝީދު ( މާޓީ)ގެ މަރުގައި ފުލުހުންގެ އިހުމަލެއް ނެތް ކަމަށް އޭރު އެ މަރަކީ އިހުމާލު އޮތްކަމެއް ކަމަށް އެންެމެ ބޮޑަށް ވަކާލާތު ކުރި ބޭފުޅުންގެ ސަރުކާރުގެ ދާޚިލީ ވަޒީރު އަލީ އިހުސާން ވިދާޅުވެއްޖެއެވެ.

ވަޒީރުން މަޖިލީހުގެ ތަޅުމަށް ހާޒިރުކޮށް ސުވަލުކުރުމުގެ މަރުހަލާގެ ތެރެއިން މާޓީގެ މަރާއި ގުޅޭގޮތުން ވަޒީރާއި ސުވާލު ކުރެއްވީ މަޑަވެލި ދާއިރާގެ މެންބަރު ހުސައިން ފިރުޝާނެވެ.

ފިރުޝާން ސުވާލު ކުރެއްވީ އެ މައްސަލަ ނިންމާ ޕީޖީ އޮފީހަށް ދައުވާ ކުރުމަށް ފޮނުވާފައިވާ ކަމަށް ނޭޝަނަލް އިންޓަގްރިޓީ ކޮމިޝަނުން ވިދާޅުވެފައިވާ ކަަމަށާ އޭގެ ފަހުން ހަތް މަސް ވެގެން ދިޔައިރު، ދައުވާ ނުކުރެވިގެން އުޅެނީ ކީއްވެތޯ ކަމާ މެދުއެވެ.

ހަމަ އެހެންމެ އެ ކޮމިޝަންގެ ރިޕޯޓާއި އެއްގޮތަށް ސަރުކާރުން އަމަލު ނުކުރަނީ ކީއްވެގެންތޯވެސް ސުވާލު ކުރެއްވިއެވެ.

މެމްބަރު ފިރުޝާނުގެ ސުވާލަށް ޖަވާބު ދެއްވަމުން ކެޕްޓަން އިހުސާން ވިދާޅުވީ، މައްސަލައިގައި ދައުވާ ކުރަން ފޮނުވިކަން މީޑިއާތަކުން މައުލޫމާތު ލިބުނު ކަމަށާއި، އެ މައްސަަލައިގެ ރިޕޯޓް ހިއްސާ ކުރުމަށް އެ ކޮމިޝަންގައި އެދިފައިވާނެ ކަމަށެވެ.

އޭނާ ވިދާޅުވީ، މި މައްސަލައާ ގުޅިގެން ފުލުހުންގެ އޮޕަރޭޝަނަލް މައްސަލަތަކެއް ހުރިތޯ މިހާތަނަށް ބެލި ބެލުމުން ނެތް ކަމަށްވެސް އިހުސާން ވިދާޅުވިއެވެ.

މިދިޔަ ސަރުކާރުގެ ދާހިލީ ސަލާމަތާއި ބެހޭ ވަޒީރު އިމްރާން އަބްދުﷲވެސް ވަނީ އެ މައްސަލައިގައި ފުލުހުންގެ އިހުމާލެއް ނެތް ކަމަށް ވިދާޅުވެފައެވެ. ނަމަވެސް އޭރު އިމްރާން ހަދަމުްނ ދިޔައި ދޮގުތައް ކަމަށް ބުނެ އެކި އެކި ޕޯޑިއަމްތަކުގައި މިސ ަރުކާރުގެ އިސްވެރިންގެ ގޮތުގައި ތިއްބެވި ބޭފުޅުން ގެންދެވީ ވިދާޅުވެ އެ މައްސަލަ ތަހުގީގުކުރަން ގޮވާލަމުންނެވެ.

ފުލުހުންގެ ބެލުމުގެ ދަށުގައި ހުއްޓާ ނިޔާވި ޕީޕީއެމް ހޯޑެއްދޫ ސްޓިއަރިންގ ކޮމިޓީގެ ރައީސް އަބްދުﷲ ރަޝީދު މާޓީގެ މަރުގެ މައްސަލައިގައި ފުލުހުންގެ އިހުމާލު އޮތްކަމަށް ނެޝަނަލް އިންޓަގްރިޓީ ކޮމިޝަނުން މައުލޫމާތު ދެއްވިކަމަށް އޭރު ޕީއެންސީގެ ރައީސް، މިހާރު އެ ޕާޓީގެ ޗެއަރޕާސަން އަދި މި ސަރުކާރުގެ އިސް ވަޒީރު އަބްދުއްރަހީމް އަބްދުﷲ 2023 ވަނަ އަހަރުގެ ޖަނަވަރީ 09 ވަނަ ދުވަހުގެ ރޭ ޕީޕިއެމް/ޕީއެންސީއިން ބޭއްވި ޖަލްސާއެއްގައި ވިދާޅުވެފައިވެސް ވެއެވެ.

ނަމަވެސް މިއަދު އެ ބޭފުޅުންގެ އަތްމައްޗަށް ބާރުތައް އަރާ އިންސާފު ނުލިބިވާ މިފަދަ މައްސަލަތަކަށް އިންސާފު ހޯދައިދޭން މަގު ފަހިކޮށްދިނުމުގެ ބަދަލުގައި ފެންނަމުން ދަނީ އެކަންކަމުން ބޯދަމައިގަންނަން މަސައްކަތްކުރާ ތަނެެވެ.

މީގެ ކުރިން އާއިލާއިން ހިއްސާކޮށްފައިވާ މައުލޫމާތަށް ބަޅާއިރު މާޓީ ނިޔާވީ ދިމާވި ސިއްހީ ކުއްލި މައްސަލައެއްގައި ފަރުވާ ދިނުން ލަސްވެގެންނެވެ. އެގޮތުން މާޓީ ހައްޔަރުކޮށްގެން ފުލުހުން ހޯޑެއްދޫ ޞޭރުގައި ލޯންޗެއްގައި އޭނާއަށް އަނިޔާކުރަމުން ދަނިކޮށް މެޔަށް އެރި ތަދެއްގައި ފަރުވާ ނުދީ ލަސްކުރުމުން އޭނާގެ ހާލު ދަށަށް ގޮސް ނިޔާވީ ކަމަށް އާއިލާއިން ހިއްސާކޮށްފައިވެއެވެ.