މާލޭގައި މީހުން އާންމުކޮށް ކުނި އަޅާ 10 ތަނެއް މާލެސީޓީ ކައުންސިލުން ހާމަކޮށްފިއެވެ.

މާލޭގެ މޭޔަރު އާދަމް އާޒިމް "އެކްސް"ގައި ކުރެއްވި ޕޯސްޓެއްގައި ވިދާޅުވީ އާއްމުކޮށް ކުނި އަޅާކަމަށް ފާހަގަ ކުރެވޭ 10 ތަނެއްވާ ކަމަށެވެ. އޭގެ ތެރޭގައި ހިމެނެނީ:

1- އަލަމާ ގޯޅި

2- ކެނެރީ ގޯޅި

3- ހަދީބީ މަގު

4- އޯޑިއޯން ގޯޅި

5- މާވެޔޮމަގު ފަތަހަ ކަންމަތި

6- ހެންވޭރު ސަހާރާ ކަންމަތި، ކާސިންޖީ މަގު

7- ބަރުޖޯރާ ގޯޅި ކަންމަތި

8- މ.ޕިއްޒާ ބޯނާ ކަންމަތި

9- ދިލްބަހާރު މަގު، ދަގަނޑުކެނޑިގޭ ގޯޅި ކަންމަތި

10- ޖަމާލުއްދީން ސްކޫލް ކުރިމަތީ ހަނި ގޯޅި އެވެ.

މާލޭގެ މަގުމައްޗަށް ކުނި އަޅާ މީހުންގެ ފޮޓޯ އަދި ވީޑިއޯ ފޮނުވާ ނިޒާމު ކައުންސިލުން ވަނީ ޤާއިމުކޮށްފައެވެ.

މާލެ ސިޓީ ކައުންސިލުން ވިދާޅުވީ، މާލޭ މަގުމަތީ ކުނި ބަހައްޓަމުންދާ މީހުން ފާހަގަކުރަމުންދާ ކަމަށާއި އެގޮތަށް ކުނި ބަހައްޓާ މީހުންގެ ފޮޓޯ އަދި ވީޑިއޯ 9341144 ނަންބަރަށް (ވައިބަރ/ވަޓްސްއެޕް) ކޮށްދިނުމަށް އެދޭ ކަމަށެވެ. އަދި ވެބްސައިޓު މެދުވެރިކޮށް ކުނި އަޅާ މީހުންގެ ފޮޓޯ އާއި ވީޑިއޯ ފޮނުވޭނެ ކަމަށް ވެސް ވިދާޅުވެފައިވެއެވެ.