އޮޑިޓަރ ޖެނެރަލް އޮފީހުގެ ފޭސްބުކް އެކައުންޓް ހެކްކޮށްފިއެވެ.

އޭޖީ އޮފީހުގެ ފޭސްބުކް ހެކްކޮށް އެ ޕޭޖުން ވީޑިއޯ އެއް ފެންނަ ގޮތަށް ހަދާ ފޮރެކްސް ޓްރޭޑު ކޮށްގެން ފައިސާ ހޯދުމާ ބެހޭގޮތުން ޕޯސްޓެއް ވަނީ ކޮށްފައެވެ. މިކަމާ ގުޅިގެން އޭޖީ އޮފީހުން ހާމަކުރި މައުލޫމާތަށް ބަލާއިރު އެ އޮފީހުގެ ފޭސްބުކް އެކައުންޓު ހެކްކުރި ހަބަރަކީ ތެދު ހަބަރެއް ކަމަށާ އަދި މިހާރު މައްސަލަ ހައްލު ކުރުމުގެ މަސައްކަތް ކުރަމުންދާ ކަމަށް ބުނެފައިވެއެވެ.

އޭޖީ އޮފީހުގެ ފޭސްބުކް އެކައުންޓު ހެކޮށްފައިމިވަނީ ދާދި ފަހުން ރާއްޖޭގެ ޖުވެނައިލް ކޯޓުގެ ވެބްސައިޓު ވެސް ވަނީ ހެކު ކޮށްފައިވެސް ވަނިކޮށެވެ. ނަމަވެސް އެއީ ރާއްޖޭގެ ޑެޕިއުޓީ މިނިސްޓަރުންތަކެއް އިންޑިއާ ބޮޑު ވަޒީރަށް ކުޑައިމީސްކޮށް މުހާތަބު ކުރި ކަމަށް ބުނާ މައްސަލާގައި އިންޑިއާގެ ހެކަރުންތަކެއް ކުރި ކަމެކެވެ.

ޖުވެނައިލް ކޯޓްގެ ވެބްސައިޓް ހެކްކުރުމަށްފަހު އިންޑިއާގެ ދިދަ އާއި އެކު ދިގު އިންޒާރުގެ މެސެޖެއް ވަނީ ލިޔެފައެވެ. އެކަން ކޮށްފައި ވަނީ އިންޑިއާގެ "ނެޓްވޯކް9" އިން ކަމަށް ވެސް ބުނެފައިވެއެވެ.