ޕީޕަލްސް ނޭޝަނަލް ފްރޮންޓް (ޕީއެންއެފް) ގައި އިސްކޮށް ހަރަކާތްތެރިވާ ޒުވާނާ، އަކްރަމް އަދީލް ސައީދު ގެއްލިގެން ހޯދާކަމަށް ފުލުހުން ބުނެފިއެވެ.
އަކްރަމްގެ ހަބަރެއް ނުވެގެން އޭނާގެ އާއިލާއިން ފުލުހުންނަށް ރިޕޯޓްކޮށްފައިވަނީ މި މަހުގެ 25 ވަނަ ދުވަހުގެ 19:22 ގައި ކަމަށް ފުލުހުން ވަނީ ބުނެފައެވެ.
އަކްރަމް އެންމެ ފަހުން ފެނިފައިވަނީ އެދުވަހުގެ މެންދުރު 13:15 ހާއިރު އޭނާ މިހާރު ދިރިއުޅެމުންގެންދާ ހުޅުމާލޭ ފޭސް 2 އެޗް 15 އިން ކަމަށް އަކްރަމްގެ އާއިލާއިން ވަނީ ފުލުހުންނަށް މައުލޫމާތު ދީފައެވެ.
އަކްރަމް ޢަދީލް ސަޢީދު ގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަން ނަންބަރު 3035336 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިފައެވެ.
