"ރަސްމާލެ" މަޝްރޫއާ ގުޅޭ މައްސަލައެއް އެންޓި ކޮރަޕްޝަން ކޮމިޝަން (އޭސީސީ)ން ބަލަން ފަށައިފިއެވެ.

ބޯހިޔާވަހިކަމުގެ މައްސަލައަށް ހައްލެއް ހޯދަން ކަމަށް ބުނެ މި ސަރުކާރުން، ރައީސް އަބްދުﷲ ޔާމީންގެ ސަރުކާރުން ޕްލޭންކޮށްފައި އޮތް 'ފުށިދިއްގަރު ފަޅޫ"ގެ މަޝްރުއޫއަށް ބަދަލުގެނެސް ބަޖެޓަކާ ނުލާ ފެށީ "ރަސްމާލެ" ގެ މަޝްރޫއާ ގުޅުން ހުރި ކޮރަޕްޝަންގެ މައްސަލައެއް އޭސީސީއިން ބަލަމުންދާ ކަން އެ ކޮމިޝަންއިން ވަނީ މީޑީޔާތަކަށް ކަށަވަރުކޮށްދީފައެވެ.

އެ ޕްރޮޖެކްޓު ކުރިއަށް ގެންދިޔުމުގައި ކޮރަޕްޝަނަށް މަގުފަހިވާ ގޮތަށް އަމަލުކޮށްފައިވާ ކަމަށް ބުނެ އެ މައްސަލަ އޮތީ ޕްރިލިމިނަރީ މަރުހަލާގައި ކަމަށާ ހިނގަމުންދާ ތަހުގީގަކަށް ވާތީ މިކަމާ ގުޅޭ އިތުރު ތަފުސީލު ދެވެން ނެތް ކަމަށް ވެސް އޭސީސީއިން ވަނީ ހާމަކޮށްފައެވެ.

ރަސްމާލެ ޕްރޮޖެކްޓުގައި ރައްޔިތުންގެ ކަންބޮޑުވުން ހުރި ގިނަ މައްސަލަތަކެއް ހުރި އިރު، އެ މައްސަލަ އޭސީސީން ނުބަލާތީ ރައީސް އަބްދުﷲ ޔާމީނު ވެސް ވަނީ ކަންބޮޑުވުން ފާޅުކުރައްވާފައެވެ.

ފުށިދިއްގަރުފަޅު ހިއްކަނީ ސްރީ ލަންކާގެ ކެޕިޓަލް މެރިން އެންޑު ކޮންސްޓަރަކްޝަން ކޮމްޕެނީ (ސީއެމްސީސީ) އެވެ. ނަމަވެސް މި ކުންފުންޏަކީ ހަަމ އެކަނި ކަުދާހުން ފެންނަން އޮތް ކުންފުންޏެއް ކަމަށް މީގެ ކުރިން ހާމަވެފައިވެއެވެ.

ރަސްމާލެ ހިއްކާ މަތިން އެ ކުންފުންޏަށް 70 ހެކްޓަރުގެ ބިން ސަރުކާރުން ދެއެވެ. އެއީ ހުޅުމާލެއިން 10 ހެކްޓަރާއި ފުށިދިއްގަރުފަޅުން ހިއްކާ 60 ހެކްޓަރުގެ ބިމެވެ.

ރަސްމާލެ ޕްރޮޖެކްޓަކީ 70 ބިލިއަން ރުފިޔާގެ ބޮޑު ކޮރަޕްޝަނެއް ކަމަށް އިދިކޮޅު އެމްޑީޕީން ވަނީ ތުހުމަތުކޮށްފައެވެ.