ރިޔާސީ އިންތިހާބުގެ ތެރޭގައި ވެވަޑައިގެންނެވި އެތައް ވައުދުތަކެއް އޮޅުވާލައްވާ ފުއްދާ ނުދެއްވާ އުޅުއްވަނިކޮށް ރައީސް މުހައްމަދު މުއިއްޒަށް މަގުމަތިން ބައްދަލުކޮށް ކުޑަ ހެންވޭރު ދާއިރާގެ ރައްޔިތުންތަކެއް އެމަނިކުފާނު ގޮނޑިއަށް އިންތިހާބުވެވަޑައިގެންެވި ގޮތް ހަނދާން އައުކޮށްދީފިއެވެ.
އެގޮތުން ސަރުކާރު ކެންޑިޑޭޓުގެ ގޮތުގައި އެ ދާއިރާއަށް ވާދަކުރާ ހުސެއިން ނާސިފް (ލަވްލީ)ގެ ކެމްޕެއިނަށް ޑޯޓުޑޯއަށް ރައީސް މުއއިްޒު އެ ދާއިރާގައި ހިންގަވަނިކޮށް އެ ދާއިރާއަށް ނިސްބަތްވާ ރައްޔިތުންތަކެއް ވަނީ އެމަނިކުފާނު ހުއްޓުވާ އެމަނިކުފާނު ޕީއެންސީ ޓިކެޓު ހޯދުމަށް ޕްރައިމަރީގައި ވާދަކުރެއެްވި ހަސަން ޝިޔާމްއާ މެދު ކަންކުރެއްވި ބޭއިންސާފު ވެރިގޮތާ މެދު ނުުރުހުން ފާޅުކޮށްފައެވެ.
އެ ރައްޔިތުންވަނީ ރައީސް މުއިއްޒު ހޮވުމަށް ދާއިރާ ރައްޔިތުން ނެރެ ހަސަން ޝިޔާމް ކުރި ބުރަ މަސައްކަތުން މުއިއްޒުއަށް ލިބުނު ކާމިޔާބީ ހަނދާން އައުކޮށްދީފައެވެ.
އެ ރައްޔިތުންވަނީ ދާއިރާއަށް ސަރުކާރު ކެންޑިޑޭޓުގެ ގޮތުގައި ނެރެފައިހުރީ އިއްޔެ މެންދުރާ ޖެހެންދެން އެމްޑީޕީގައި، ރައީސް މުއިއްޒުއާ ދެކޮޅަށް ހުރި މީހެއްކަންވެސް ފާހަގަކޮށްފައެވެ. ނަމަވެސް އެހީތެރިވިމީހާ ބާކީކޮށް އެމީހާއާ މެދު ނާއިންސާފުން ރައީސް މުއިއްޒު ކަންކުރައްވަމުން ގެންގޮސްފައިވާތީ އެ ރައްޔިތުން ވަނީ ފާޑުކިޔާފައެވެ.
އެ ރައްޔިތުން ބުނެފައިވާ ގޮތުގައި ރައީސް މުއިއްޒުވަނީ ރައީސް މުއިއްޒު ހޮވުމަށް ގުރުބާންވީ މީހުންނާ މެދު ޚިޔާނާތްތެރިވެފައެވެ.
ރައީސް މުއިއްޒުއަށް މާޒީ ހަނދާންކޮށްދީފައިވާއިރު ރައީސް މުއިއްޒުއާ ސަރުކާރުގެ އިސް ބޭފުޅުންވެސް ގެންދަނީ އެކި އެކި ކަންކަމުގައި ދޮގު ހަދާ މަކަރާ އޮޅުވާލުން އޮޅުވާލަމުން ކަމަށް ގިނަ ބަޔަކު ގެންދަނީ ބުނަމުންކަން ފާހަގަކޮށްލެވެއެވެ.
ނަމަވެސް ރައީސް މުއިއްޒު ވިދާޅުވާ ގޮތުގައި އެމަނިކުފާނުގެ ސަރުކާރަކީ ދެ ފުށް ފެންނާނެ މަކަރެއް އޮޅުވާލުމެއް ނޯންނާނެ ހުދު ފޮތިކޮޅެއްހާ ސާފު ސަރުކާރެކެވެ.
