20 ވަނަ ރައްޔިތުންގެ މަޖިލީހަށް މެމްބަރުން ހޮވުމަށް ބާއްވާ އިންތިޚާބުގައި 700އާ ގާތްކުރާ އަދަދަކަށް ވޯޓުފޮށި ބަހައްޓަންޖެހޭނެ ކަމަށް ލަފާކުރެވޭ ކަމަށް އިލެކްޝަންސް ކޮމިޝަން (އީސީ)އިން ހާމަކޮށްފިއެވެ.

ކޮމިޝަނުން ހާމަކޮށްފައިވާ ގޮތުގައި އެ އިންތިހާބުގައި 500 އާ 700 ދެމެދުގެ އަދަދަކަށް ފޮށީތައް ބެހެއްޓުމަށް މަޝްވަރާކުރެވުމުން ދާ ކަމަށާ ސީދާ އަދަދު ކަނޑައަޅާނީ ރީ ރަޖިސްޓްރޭޝަން މުއްދަތު ނިމި، ވޯޓުލާ މީހުންގެ ލިސްޓުތައް ފައިނަލްވުމުން ކަމަށެވެ.

މިދިޔަ އަހަރު ބޭއްވި ރިޔާސީ އިންތިޚާބުގައި ބެހެއްޓި ވޯޓްފޮށިތަކަށް ވުރެ އިތުރަށް މަޖިލިސް އިންތިހާބުގައި ވޯޓްފޮށި ބަހައްޓަން ނިންމި ސަބަބު ހާމަކޮށް އީސީއިން ބުނެފައިވަނީ އެއީ އިންތިޚާބު ބާއްވަނީ ރޯދަ މަހުގައި ކަމަށްވެފައި ވޯޓްލުން ވީހާ ވެސް ފަސޭހަކޮށް، އަވަސްކުރުމުގެ ގޮތުން ކަމަށެވެ.

އީސިީއިން އިތުރަށް ހާމަކުރި ގޮތުގައި ވޯޓްފޮށިތަކުގެ އަދަދު ގިނަކޮށް، ކޮންމެ ފޮއްޓަކަށް ވޯޓްލާ މީހުންގެ އަދަދު މަދުކުރުމުން އިންތިޚާބުގެ ކަންކަން އަވަސްވެގެން ދާނެއެވެ. އެގޮތުން ކޮންމެ ފޮއްޓަކަށް ރަޖިސްޓްރީކުރަން ނިންމާފައި ވަނީ 500-600 އާ ދެމެދުގެ މީހުން ކަމަށް ވެސް އީސީން ބުންޏެވެ.

އެގޮތުން ކޮންމެ ފޮއްޓަކަށް ރަޖިސްޓްރީކުރަން ނިންމާފައި ވަނީ 500-600 އާ ދެމެދުގެ މީހުން ކަމަށް ވެސް އީސީން ބުނެފައިވެއެވެ.

މީގެ އިތުރުން ރާއްޖެއިން ބޭރުގައި ވޯޓުލާން 150 އަށްވުރެ ގިނަ މީހުން ރަޖިސްޓްރީކޮށްފިނަމަ، އެ ގައުމެއްގައި ހުންނަ ދިވެހި އެމްބަސީގައި ވޯޓު ފޮއްޓެއް ބަހައްޓާނެކަމަށްވެސް ހާމަކޮށްފައިވެއެވެ.

ހަމައެހެންމެ މަދުވެގެން 30 މީހުން ރެޖިސްޓްރީކުރާ ރިސޯޓުތަކާއި ސިނާއީ ރަށްތަކާއި ހަދަމުން އަންނަ ރަށްތަކުގައި ވެސް ވޯޓު ފޮށި ބަހައްޓާނެއެވެ.

މަޖިލީހުގެ 20 ވަނަ ދައުރަކަށް މެންބަރުން އިންތިޚާބު ކުރަން ބާއްވާ އިންތިހާބު އޮންނާނީ މާޗް މަހުގެ 17 ގައެވެ.

އެ އިންތިހާބުގައި ވޯޓުލުމުގެ ހައްގު ލިބިފައިވާ މީހުންގެ އަދަދު 284،327 އަށް އަރާއިއިރު އޭގެ ތެރޭގައި ހިމެނެނީ 14،5162 ފިރިހެނުންނާއި 139،165 އަންހެނުން ކަމަށް އީސީން ބުންޏެވެ. އެއީ، ރިޔާސި އިންތިޚާބުގެ ދެވަނަ ބުރުގައި ވޯޓުލި މީހުންނަށް ވުރެ 1،523 އިތުރު އަދަދެކެވެ.