މޯލްޑިވްސް މާކެޓިން އެންޑް ޕަބްލިކް ރިލޭޝަންސް، އެމްއެމްޕީއާރުސީގެ ޑީއެމްޑީ ބައްސާމް އާދަމްއާ ގުޅުން ހުރި ޖިންސީ ފުރައްސާރައިގެ މައްސަލައެއް ފެންމަތިވެ އޭނާ ސަސްޕެންޑްކޮށްފައިވާ ކަމަށް ބުނެ އެމްއެމްޕީއާރުސީއިން ފެތުރީ ދޮގު ޚަބަރެއްކަން ހާމަވެއްޖެއެވެ.

މި މަހު ކުރީކޮޅު ރާއްޖެ ޕްރޮމޯޓްކުރަން ޖަރުމަނުގެ ބާލިންއަށް ދިޔަ ޓީމުގައި ހިމެނޭ އެ ކުންފުނީގެ ޑެޕިއުޓީ އެމްޑީ ބައްސާމް އާދަމް ވަނީ އަންހެން މުވައްޒަފަކަށް ޖިންސީ ފުރުއްސާރަ ކޮށްފައިވާ ކަމަށް ބުނާ މައްސަލައެއް ސޯޝަލް މީޑިޔާގައި ދައުރުވަމުންދިއުމާ ގުޅިގެން އެ މައްސަލަ އެމްއެމްޕީއާރުސީއިން ބަލަމުން ގެންދާ ކަމަށް އެ މުއައްސަސާގަެ އެމްޑީ ފާތިމަތު ތައުފީގު ބައެއް މީީޑިޔާތަކަށް މައުލޫމާތު ދީފައިވެއެވެ. އަދި އޭނާ ހުރީ މައްސަލަ ނިމެންދެން ސަސްޕެންޝަންގައި ކަމަށްވެސް ފާތިމަތު ތައުފީގުއާ ހަވާލާދީ ބައެއް މީޑިޔާތަކުގައި ރިޕޯޓުކޮށްފައިވެއެވެ.

ނަމަވެސް އިތުބާރު ހުރި މަސްދަރަކުން ޗެނަލް13 އަށް މައުލޫމާތު ލިބިފައިވާ ގޮތުގައި ބައްސާމް ހުރީ ސަސްޕެންޝަންއަކު ނޫނެވެ. މިކަމާ ގުޅިގެން ހުދު ބައްސާމް އާ ހަވާލާދީ ބައެއް މީޑިޔާތަކުގައި ވަނީ އޭނާ ސަސްޕެންޑްކުރި ޚަބަރު ދޮގުކޮށްފައެވެ.

އެހެންކަމުން ރައްޔިތުން މޫނުމަތީއާ ޖިންސީ ފުރައްސާރައިގެ ޝީކާރައަކަށްވީ މުވައްޒަފުންނަސް އޮޅުވާލުމުގެ ނިޔަތުގައި އެމްއެމްޕީއާރުސީގެ އެމްޑީ، އަންހެނަކަށްވެ ހުރެ މިވަނީ ބޮޑު ދޮގެއް ހަދާ ކަންކަން އޮޅުވާލަފައިކަން ވަނީ ހާމަވެފައެވެ.