ބަޔަކު ކަމެއް ކުރާތީ ހަމަ ހަޖަމް ނުވީތާއެވެ. ދެން މިހެން ބުނީމާ އަބަދުވެސް ގޯސްވަނީ ބުނާ މީހައެވެ. ނަމަވެސް މިއޮތީ ހުރިހާ ކަމެއްހެންވެސް ހާމައަށެވެ.

އެ ގޮނޑި އަކާއި ފޮޓޯ އެއް ދައްކައިން، އެ ވެރިޔެއްގެ ތަރައްގީ ވިއްކައިގެން ވެރިކަން ހޯދުމަށްފަހު އެމީހަކު ކޮށްލީ ބޭކާރެވެ. އެވެރިޔާއަށް ހަދާލީ ހެދި ހުރި ގޮތެކެވެ. މިހެން މި ބުނީ އެ ވެރިޔާ މިނިވަން ކުރައްވާނެކަމަށް ވިދާޅުވުމަށްފަހު އެހެން ބުނިކަމަށް މިހާރު އެއްބަސްވެސް ނުވާތީއެވެ.

އެމަނިކުފާނުގެ ދެ ޕާޓީ ވެސް ފޭރިގަތީ ރޯމާދުވާލެވެ. އެހެންކަމުން ފެތޭ އޮޑިއެއްގައި މަޑުކޮށްގެން ނުހުންނަށް ވެރިޔާ ނިންމެވީ އައު ޕާޓީ އެއް އުފައްދާށެވެ.

ފެތޭ އޮޑިން ފުންމާލައިގެން މިސްރާބު ބެހެއްޓެވީ އަނެއްކާވެސް ގައުމަށްޓަކައި ރައްޔިތުންނަށްޓަކައި މަސައްކަތް ކުރާށެވެ.

ޕާޓީ އެއް އުފައްދަން ނިންމާ، ޕާޓީގެ ނަމެއް ވެސް ފާސްކުރެއްވިއެވެ. " ޕީޕަލްސް ނެޝަނަލް ފްރޮންޓް" ޕީއެންއެފެވެ. އެމަނިކުފާނަށް ވަފާތެރި އެމަނިކުފާނު ދެކެ ލޯބިވާ ހުރިހާ ފަރާތްތަކުން މަޑުމަޑުން ދިޔައީ އެ ޕާޓީ އަށް ވަންނަމުންނެވެ. 3000 ފޯމް ހަމަ ކުރުމަށްފަހު އިލެކްޝަންސް ކޮމިޝަން (އީސީ) އަށް ހުށަހެޅުމުން ޕާޓީ އުފެއްދުމަށް ހުއްދަ ދެއްވައި ޖަލްސާ ބޭއްވުމަށް ވެސް ބުނިއެވެ. ޕާޓީގެ މުއައްސިސް އަކީ އެެމަނިކުފާނުގެ ދަރިކަލުންނެވެ.

ކޮންމެ އަކަސް ޕާޓީގެ އިސްވެރިން ޕާޓީ އުފެއްދުމުގެ ޖަލްސާއަށް ދުރާލާ ދިޔައީ ތައްޔާރުވަމުންނެވެ. ޖަލްސާ ބާއްވާނެ ތަނެއް ހަމަ ޖައްސަވާ، އެތަނުގައި މަސައްކަތްތައް ފެއްޓެވިއެވެ. މިކަން ރައީސް މުއިއްޒުގެ ކަންފަތާ ހަމަޔަށް ދިޔުމާއެކު އެ ޖަލްސާ ބޭއްވިއްޖެ ނަމަ ޕާޓީ ވުޖޫދުވެދާނެ ކަމުގެ ބިިރު ހީވާން ފެށިއެވެ. ކަމާކަން ފަށާ، މީސް މީހުންނަށް އޯޑަރު ދޭން ފެއްޓެވިއެވެ.

އެ ޖަލްސާ ބާއްވާތަނަށް ކަރަންޓްގެ ހިދުމަތް ނުދިނީމާ ޖަލްސާ ނުބޭއްވޭނެ އޭ ހިތާ ސްޓެލްކޯ ގެ އެމްޑީ ފަހުމީ އަށް ޕްރެޝަރު ކުރުމާއެކު ޖަލްސާ ބާއްވާ ޣިޔާސުއްދީންގެ ހޯލަށް ކަރަންޓު ނުދިނެވެ. މިވަރުން ދެން މިކަން ނިމުނީއޭ ހިތާ ރައީސް މީހާ ހުއްޓާ ޕީއެންއެފުން އަމިއްލަ ޖަނެރޭޓަރެއް ހޯދައިގެން ގެނެސް ކަރަންޓުގެ ހިދުމަތް އެ ހޯލަށް ދިނެވެ. މިވާހަކަ އަޑު އިވުމާއެކު ދެން ރައީސް ފެއްޓެވީ އެހެން ޑްރާމާއެއް ކުޅޭށެވެ.

އެޑިޔުކޭޝަން މިނިސްޓްރީ އަށް ނުފޫޒު ފޯރުވައިގެން ޣިޔާސުއްދީން ސުކޫލާއެކު ހެދިފައިވާ އެއްބަސްވުން އުވާލުމަށް ޕްރެޝަރ ކޮށް، ފުލުހުންނަށް އަމުރު ކުރީ ޖަލްސާގެ ބައިވެރިން ޖަލްސާއަށް ނުވައްދާ ހިފެހެއްޓުމަށެވެ.

ޖަލްސާ އަށް ބައިވެރިންތައް ވަންނަމުން ދަނިކޮށް ފުލުހުން އައިސް ސުކޫލްގެ މައި ދޮރާށި ބަންދުކުރިއެވެ. ޖަލްސާގެ އެއްބައި ބައިވެރިން ބޭރުގައި ތިއްބާއެވެ. އަނެއްބައި ބައިވެރިން ތިބީ އެތެރޭ ބަންދުވެފައެވެ. ބޭރަށް ނުނިކުމެވޭނެކަމަށް ވެސް ފުލުހުން ބުންޏެވެ. ޕެޕާރ ސްޕްރޭ ޖަހާ ޝީލްޑް ތަކުން ޖަލްސާގެ ބައިވެރިންނަށް އަނިޔާ ކުރަން ފެށިއެވެ. އެ ބައިވެރިންނަކީ ރައީސް މުއިއްޒު ވެރިކަމަށް ގެނައުމަށްޓަކައި އެތައް ގުރުބާނީތަކެއް ވެފައި ތިބި ބައެއްކަން ހަނދާންވެސް މުއިއްޒުގެ ނެތީއެވެ.

ކަންކަން މިހެން ވުމާއެކު ވެސް ޕީއެންއެފުން އުންމީދު ކަނޑާއެއް ނުލިއެވެ. އެތަނުގައި ދެން ޖަލްސާ ނުބޭއްވޭނެތީ ސިޓީ ކައުންސިލްގެ ހުއްދަ ހޯދުމަށްފަހު ރާޅުގަނޑު ސަރަހައްދުގައި ޖަލްސާ ބޭއްވުމަށް ނިންމާ މިސްެރާބު އެދިމާލަށް ބެހެއްޓެވިއެވެ.

އީސީގެ މެމްބަރުން އައިސް ޖަލްސާގެ ބައިވެރިންގެ އަދަދު ހަމަވޭތޯ ބެލުމަށްފަހު ޕާޓީ އުފެއްދުމުގެ ހުއްދަ ދިނެވެ. ޕާޓީ އުފެއްދުނީއެވެ. ޕީއެންއެފް އަކީ ޕާޓީއެކެވެ. އެ ޕާޓީ އެއް ވުޖޫދަށް އައިސްދާނެތީ ރައީސް މީހާ ކެކިގަތީއެވެ. ނަމަވެސް ވީ ނާކާމިޔާބެވެ.

ދެން ޑެމޭޖް ކޮންޓްރޯލް ކުރަން ވެގެން މި ވިދާޅުވީ، "އަޅުގަނޑަށް ނޭނގޭ، ފެނުނީ ނޫހުން" މިއީ ދެން ބުއްދި ގަބޫލު ކުރާވަރުގެ ކަންކަންހެއްޔެވެ؟ މަނިކުފާނު އޯޑާރު ދެއްވައިގެން ކުރި ހުރިހާ ކަމެއްވެސް އެންމެން ކުރީ، މިއަދު ދެން ރެކިވަޑައިގަންނަން އުޅުއްވާނެ ކަމެއް ނެތެވެ.

އިބޫ އަށް ވުރެ ވެސް ދަށު ދަރަޖައަށް ވެއްޓުނީ އެވެ. ހަމަ ގައިމުވެސް އިބޫ ޑިމޮކްރެޓްސްގެ ޖަލްސާ އަކަށް ހުރަހެއް ނާޅައެވެ.

އާދެ، ސިޔާސީ ޕާޓީުއެއް އުފެއްދުނަ ނުދޭން، ބާރުގެ ބޭނުން ކުރި ހަމަ އެކަނި ރައީސް އަކީ ރައީސް މުއިއްޒެވެ.